Bellamkonda Sreenivas: అడ్డంగా బుక్కైపోయిన తండ్రీ కొడుకులు..!

March 11, 2022 / 05:41 PM ISTByFilmy Focus

Join Us

Bellamkonda Sreenivas: అడ్డంగా బుక్కైపోయిన తండ్రీ కొడుకులు..!

టాలీవుడ్ అగ్ర నిర్మాతలలో ఒకరైన బెల్లంకొండ సురేష్ మరియు అతని తనయుడు ప్రముఖ హీరో అయిన బెల్లంకొండ సాయి శ్రీనివాస్‌ పై బంజారా హిల్స్ పోలీస్ స్టేష‌న్‌లో ఛీటింగ్ కేసు న‌మోదవ్వడం సంచలనం సృష్టిస్తోంది. మార్చి 11న శుక్ర‌వారం నాడు ఫైనాన్సియ‌ర్ వి.ఎస్‌.శ్ర‌వ‌ణ్ కుమార్ వీరి పై కేసు పెట్టడం జరిగింది. వివరాల్లోకి వెళితే… 2018-19 టైములో శ్రవణ్ కుమార్ వద్ద నుండీ ఈ తండ్రీ కొడుకులు రూ.85 ల‌క్ష‌లు అప్పుగా తీసుకున్నార‌ని..

Click Here To Watch Now

స్వయంగా శ్రవణ్ అకౌంట్ నుండే చాలా మంది టెక్నీషియ‌న్స్‌కు డ‌బ్బులు ట్రాన్స్‌ఫ‌ర్ చేసారని చెప్పుకొచ్చాడు. అంతేకాకుండా ఆ మొత్తాన్ని చెల్లించమని కోరుతుంటే స‌రిగ్గా రెస్పాండ్ కాకపోగా .. తనన్ని బెదిరిస్తున్నట్టు కూడా శ్రవణ్ తెలిపాడు. ‘నా దగ్గర్నుండీ డబ్బులు అప్పుగా తీసుకున్నప్పుడు వారి నిర్మాణంలో రూపొందే సినిమాలో భాగ‌స్వామిగా చేస్తాన‌ని వారు హామీ ఇచ్చారు’ అంటూ కూడా శ్రవణ్ చెప్పుకుని వాపోయాడు.ఇక ఈ కేసుని ద‌ర్యాప్తు చేయడం ప్రారంభించిన బంజారా హిల్స్ పోలీసులు…

బెల్లం కొండ సురేష్‌, శ్రీనివాస్ లు ఇద్ద‌రూ కూడా విచారణకి హాజరుకావాల్సిందిగా సమాచారం చేరవేసినట్టు తెలుస్తుంది. ప్రస్తుతం బెల్లంకొండ శ్రీనివాస్ వి.వి.వినాయ‌క్ ద‌ర్శ‌క‌త్వంలో రూపొందుతోన్న ‘ఛ‌త్ర‌ప‌తి’ హిందీ రీమేక్‌లో నటిస్తున్నాడు.దీంతో పాటు త్వ‌ర‌లోనే ఓ స్టార్ డైరెక్ట‌ర్‌తో క‌లిసి పాన్ ఇండియా మూవీ చేయబోతున్నట్టు కూడా సమాచారం. బెల్లంకొండ శ్రీనివాస్ కెరీర్లో 8 సినిమాల వరకు చేసాడు. అందులో సక్సెస్ అయినవి ఒకటి రెండు మాత్రమే.

Bellamkonda Ganesh Babu movie update1

స్టార్ హీరో సినిమాకి బడ్జెట్ పెడుతున్నట్టు పెట్టి ఇతని సినిమాలు కమర్షియల్ ఫెయిల్యూర్స్ అయ్యేలా చేసారు సురేష్ అనే విమర్శ ఎప్పటినుండో ఉంది. ముక్కూ మొహం తెలియని వారిని తీసుకొచ్చి నిర్మాతలుగా చేసి కోట్లకు కోట్లు పోసి సినిమాలు రూపొందిస్తుంటారు బెల్లకొండ సురేష్. అయితే నేరుగా ఆయన పేరు వేసుకోకుండా వెనుకుండి షూటింగ్ జరిపిస్తారనే వార్తలు కూడా వచ్చాయి.