ఆవారా రిలీజ్ అయినప్పుడు సూర్య తమ్ముడు అని కార్తీ గురించి పరిచయం చేయాల్సి వచ్చింది. ఇప్పుడు ఆ అవసరం లేదు. కాస్మొరా, ఖాకీ వంటి వరుస విజయాలతో తెలుగులోనూ అభిమానులను సంపాదించుకున్నారు. ఊపిరి సినిమాతో తెలుగువారికి మరింత దగ్గరయ్యారు. తాజాగా అతను చేసిన సినిమా కడాయికుట్టి సింగం.. ఇది తెలుగులో చినబాబుగా రిలీజ్ అయి మంచి స్పందన అందుకుంది. పాండిరాజ్ దర్శకత్వంలో తెరకెక్కిన చిత్రంలో రైతు సమస్యలను, ఉమ్మడి కుటుంబ అనుబంధాలను చూపించిన విధానం బాగా నచ్చింది. రైతుగా కార్తీ నటనకు అందరూ ఫిదా అవుతున్నారు.
గత శుక్రవారం రిలీజ్ న ఈ చిత్రం మంచి ఓపెనింగ్స్ రాబట్టుకుంది. తెలుగు రాష్ట్రాల్లో మొదటి మూడు రోజులకు మొత్తం 2.74 కోట్ల షేర్ ను రాబట్టుకోగలిగింది. ప్రస్తుతానికి ఈ సినిమాకి పోటీ ఏదీ లేకపోవడంతో మరింత కలక్షన్స్ రాబట్టే అవకాశం ఉంది. అందుకే కార్తీ తెలుగు రాష్ట్రాల్లో పర్యటిస్తున్నారు. థియేటర్లలో అభిమానులను కలుసుకొని ప్రచారం చేస్తున్నారు. ఈ సినిమాకి ఓవర్సీస్ లోను మంచి ఆదరణ లభిస్తోంది. ఈ సినిమాతో మరో హిట్ ని కార్తీ తన ఖాతాలో వేసుకున్నారు. ఇతను విజయం పరంపర చూస్తుంటే అన్న సూర్య కే గట్టి పోటీ ఇచ్చేట్టు ఉన్నారని సినీ విశ్లేషకులు భావిస్తున్నారు.
