సురేఖ, నేను.. రోజూ కొట్టుకుంటాం, తిట్టుకుంటాం : చిరంజీవి

నిన్న జరిగిన ‘మా డైరీ ఆవిష్కారణ’ వేడుకలో ఎంత రభస చోటు చేసుకున్నప్పటికీ.. మెగాస్టార్ చిరంజీవి మాట్లాడిన తీరు చాలా మందిని ఆకట్టుకుంది. ‘మూవీ ఆర్టిస్టు అసోసియేషన్ (మా) సభ్యులంతా ఐక్యమత్యంగా ఉండాలి.. అప్పుడే ప్రభుత్వాలతో సహాయం తీసుకోవడానికి అవకాశం ఉంటుంది.. అందరూ కలిసి మెలిసి ఉండాలి. ‘మంచి ఉంటే మైక్ లో చెప్పుకుందాం.. చెడు ఉంటే చెవిలో చెప్పుకుందాం’… అంటూ చిరంజీవి చెప్పిన డైలాగ్ విపరీతంగా ఆకట్టుకుంది.

అంతే కాదు.. ‘ నేను సురేఖ రోజూ కొట్టుకుంటాం.. తిట్టుకుంటాం..! మీకెవ్వరికైనా తెలుసా.. పైకి మాత్రం ఆదర్శ దంపతులం అని అంతా అనుకుంటారు. ఏదైనా పెళ్ళికి వెళితే చెయ్యి.. చెయ్యి పట్టుకుని వెళతాం. లోపలి వెళ్ళగానే చెయ్యి వదిలిస్తుంది.. నేను వదిలేస్తుంటాను. బయట ఎవ్వరికీ తెలీదు..! అలాగే ‘మా’ అసోసియేషన్ వారంతా కలిసి ఉండాలి. మీడియా ఆకలిగా ఉన్న పులుల్లా ఉంటారు. ‘ఎక్కడి ఏది దొరుకుతుందా.. రాసేద్దాం’.. అని అనుకుంటారు” అంటూ మెగాస్టార్ చిరంజీవి కాసేపు నవ్వులు పూయించారు.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!