Chiranjeevi: ‘గాడ్‌ ఫాదర్‌’ చూసి దర్శకుడితో చిరు అలా అన్నాడా?

September 12, 2022 / 11:57 AM ISTByFilmy Focus

Join Us

Chiranjeevi: ‘గాడ్‌ ఫాదర్‌’ చూసి దర్శకుడితో చిరు అలా అన్నాడా?

ఓ సినిమా వస్తోంది అంటే.. దాని జోరును లెక్కించడానికి అభిమానులు, పరిశ్రమ విశ్లేషకులు చేసే పని.. దాని ప్రచారం సాగే తీరునే. సినిమా ప్రచారం, సినిమా ఫలితాన్ని మార్చడంలో కీలక పాత్ర పోషిస్తుందని చెబుతుంటారు. అలాంటి ప్రచారం గురించి ఇప్పుడు ఎందుకు మాట్లాడుతున్నాం అంటున్నారా? ఇంకెందుకు ‘గాడ్‌ ఫాదర్‌’ గురించే. అగ్ర హీరో చిరంజీవి నుండి వస్తున్న ఈ సినిమా ప్రచారం విషయంలో చిరంజీవి మాట కూడా ‘జోరు పెంచండి’ అని తెలుస్తోంది.

‘గాడ్‌ ఫాదర్‌’ సినిమా ఫైనల్‌ కట్‌ను చిరంజీవి ఇటీవల చూశారట. ఆ తర్వాత చిత్ర దర్శకుడు మోహన్‌ రాజాతో చిరంజీవి మాట్లాడారట. ఫైనల్‌ ప్రోడక్ట్‌ మీద సంతృప్తి వ్యక్తం చేసిన చిరంజీవి.. ప్రచారంలో జోరు పెంచండి అని చెప్పారని టాక్‌. గత కొన్ని రోజులుగా సినిమా ప్రచారం విషయంలో చిరు అభిమానులు ఇదే మాట అంటున్న విషయం తెలిసిందే. ఎప్పటికప్పుడు సినిమా గురించి మాట్లాడుతూ, ప్రేక్షకుల నోళ్లలో నానితేనే సినిమాలు ఆడటం లేదు. అలాంటిది ప్రచారం లేకుండా ఎలా అని ప్రేక్షకులు, అభిమానులు అనుకున్నారు.

ఇప్పుడు చిరంజీవి నోటి నుండి కూడా అలాంటి మాటే రావడం గమనార్హం. అందుకు తగ్గట్టుగా సినిమా ప్రీ రిలీజ్‌ ఈవెంట్‌ను రెండు చోట్ల నిర్వహిస్తారు అని చెబుతున్నారు. ముంబయిలో ఒకటి, హైదరాబాద్‌లో మరకొటి ఉంటాయట. ఈ మేరకు ఏర్పాట్లు జరుగుతున్నాయని చెబుతున్నారు. ప్రీ రిలీజ్‌ ఈవెంట్లకు ముఖ్య అతిథిగా సల్మాన్‌ ఖాన్‌ కూడా వస్తాడని చెబుతున్నారు. ఈ మేరకు ఇటీవల సల్మాన్‌ నుండి చిరంజీవికి భరోసా వచ్చిందట.

అయితే సల్మాన్‌ హాజరు కేవలం ముంబయి ఈవెంట్‌ వరకే ఉంటుందా? లేక హైదరాబాద్‌ ఈవెంట్‌కి కూడా వస్తాడా అనేది తెలియాలి. హైదరాబాద్‌ ఈవెంట్‌కి సల్మాన్‌తోపాటు పవన్‌ కల్యాణ్‌ కూడా హాజరవుతాడని ఇప్పటికే పుకార్లు వస్తున్నాయి. అలాగే సల్మాన్‌ – చిరంజీవితో ఓ ప్రత్యేక ఇంటర్వ్యూను కూడా ప్లాన్‌ చేస్తున్నారని తెలుస్తోంది. దీనికి వెంకటేశ్‌ స్పెషల్‌ హోస్ట్‌గా ఉంటారని తెలుస్తోంది.