Chiranjeevi, Ravi Teja: మెగాస్టార్ మూవీలో రవితేజ నటిస్తున్నారా?

November 11, 2021 / 03:47 PM ISTByFilmy Focus

Join Us

Chiranjeevi, Ravi Teja: మెగాస్టార్ మూవీలో రవితేజ నటిస్తున్నారా?

షాడో తర్వాత కొన్నేళ్ల పాటు డైరెక్షన్ కు దూరంగా ఉన్న మెహర్ రమేష్ తమిళంలో బ్లాక్ బస్టర్ హిట్ గా నిలిచిన వేదాళం సినిమాను తెలుగులో రీమేక్ చేస్తున్నారు. చిరంజీవి హీరోగా భోళాశంకర్ పేరుతో తెరకెక్కుతున్న ఈ సినిమాపై భారీగా అంచనాలు నెలకొనగా ఈరోజు భోళా శంకర్ మూవీ లాంఛనంగా ప్రారంభమైంది. ఈ సినిమాలో చిరంజీవికి జోడీగా తమన్నా నటిస్తుండగా చిరంజీవి చెల్లెలి పాత్రలో కీర్తి సురేష్ కనిపించనున్నారు. సీనియర్ రచయిత సత్యానంద్ ఆధ్వర్యంలో ఈ సినిమా స్క్రిప్ట్ పనులు జరిగాయని సమాచారం.

అయితే ఈ సినిమాలో రవితేజ కీలక పాత్రలో నటిస్తారని ఇండస్ట్రీ వర్గాల్లో వినిపిస్తోంది. మాస్ మహారాజ రవితేజ ప్రస్తుతం వరుస సినిమాలతో బిజీగా ఉన్నారు. మరి రవితేజ నిజంగా ఈ సినిమాలో నటిస్తున్నారో లేదో తెలియాలంటే మాత్రం చిత్రయూనిట్ స్పందించే వరకు ఆగాల్సిందే. రవితేజ నటించిన ఖిలాడీ మూవీ 2022 సంవత్సరం ఫిబ్రవరి 11వ తేదీన రిలీజ్ కానుంది. కరోనా పరిస్థితుల వల్ల భోళా శంకర్ సినిమా షూటింగ్ సెట్స్ లోనే ఎక్కువగా జరగనుందని సమాచారం.

మణిశర్మ కొడుకు మహతి స్వర సాగర్ ఈ సినిమాకు సంగీతం అందించనున్నారు. ఈ నెల 15 నుంచి భోళాశంకర్ రెగ్యులర్ షూటింగ్ ప్రారంభం కానుండగా భారీ బడ్జెట్ తో ఈ సినిమా తెరకెక్కనుందని సమాచారం. భోళా శంకర్ రీమేక్ అని అనిపించదని కొత్త సినిమాను చూస్తున్న భావన కలుగుతుందని మెహర్ రమేష్ వెల్లడించడం గమనార్హం. వచ్చే ఏడాది సెకండాఫ్ లో భోళా శంకర్ రిలీజ్ కానుంది.