మెగాస్టార్ చిరంజీవి హీరోగా ‘గాడ్ ఫాదర్’ అనే చిత్రం తెరకెక్కుతున్న సంగతి తెలిసిందే. ‘కొణిదెల ప్రొడక్షన్ కంపెనీ’, ‘సూపర్ గుడ్ ఫిల్మ్స్’ సంస్థల పై ఆర్‌బి చౌదరి, ఎన్వీ ప్రసాద్‌లు నిర్మిస్తుండగా.. కొణిదెల సురేఖ సమర్పకులు గా వ్యవహరిస్తున్నారు. అప్పుడెప్పుడో తెలుగులో హనుమాన్ జంక్షన్ వంటి చిత్రాన్ని తెరకెక్కించిన మోహన్ రాజా ఈ చిత్రానికి దర్శకుడు. మలయాళంలో సూపర్ హిట్ అయిన ‘లూసిఫర్’ కు రీమేక్ గా తెరకెక్కుతుంది ఈ మూవీ.
సల్మాన్ ఖాన్ కూడా ఈ చిత్రంలో కీలక పాత్ర పోషిస్తున్నారు.ప్రస్తుతం ‘గాడ్ ఫాదర్’ చిత్రీకరణ ముంబై లో జరుగుతుంది.ఇక ఈ చిత్రంలో చిరు, సల్మాన్ లు కలిసి ఓ పాటకు అదిరిపోయే స్టెప్పులు వేయబోతున్నారట. ఇండియన్ మైకేల్ జాక్సన్ గా పేరొందిన ప్రభుదేవా కొరియోగ్రఫీలో ఈ పాటను చిత్రీకరిస్తున్నారు. ఈ పాట చిత్రీకరణకు సంబంధించిన ఓ ఫోటోని సోషల్ మీడియా వేదికగా పంచుకున్నారు మెగాస్టార్ చిరంజీవి. “‘గాడ్‌ఫాదర్‌ కోసం భాయ్‌ సల్మాన్ తో కలిసి డ్యాన్స్‌ చేశా.
ప్రభుదేవా కొరియోగ్రఫీ వండర్ ఫుల్. ఈ పాట అభిమానులకు ఖచ్చితంగా కన్నుల పండగ” అని ట్వీట్‌ చేశారు. ప్రభుదేవా స్టార్ డైరెక్టర్ కూడా ఎదిగిన సంగతి తెలిసిందే. చిరుతో ఆయన ‘శంకర్ దాదా జిందాబాద్’ అనే చిత్రాన్ని తెరకెక్కించాడు. ఇక సల్మాన్ ఖాన్ తో ‘వాంటెడ్’ వంటి పలు చిత్రాలు తెరకెక్కించాడు. ఇప్పుడు వీరిద్దరినీ చిందులు వేయిస్తున్నాడు ప్రభుదేవా.
చిరు, సల్మాన్ లతో అతనికి మంచి సాన్నిహిత్యం ఉంది. ఇక ‘గాడ్ ఫాదర్’ లో నయనతార,పూరి జగన్నాధ్ ,సత్యదేవ్,సునీల్ వంటి వారు కీలక పాత్రలు పోషిస్తున్నారు.దసరా కానుకగా ఈ చిత్రం ప్రేక్షకుల ముందుకు రానుంది.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
