మెగాస్టార్ చిరంజీవి ఆచార్య సినిమా షూటింగ్ పనులు పూర్తైన వెంటనే లూసిఫర్ రీమేక్ లో నటించబోతున్నారనే సంగతి తెలిసిందే. మోహన్ రాజా డైరెక్షన్ లో తెరకెక్కుతున్న ఈ సినిమాపై భారీగా అంచనాలు నెలకొన్నాయి. వరుసగా మెగాస్టార్ సినిమాల్లో నటిస్తూ యంగ్ హీరోలకు, స్టార్ హీరోలకు గట్టి పోటీని ఇస్తున్నారు. ఇప్పటికే లూసిఫర్ రీమేక్ స్క్రిప్ట్ పనులు పూర్తి కాగా క్యాస్టింగ్ పనులు కూడా మొదలయ్యాయి. చిరంజీవికి సోదరి పాత్రలో విద్యాబాలన్ నటించనున్నారని ప్రచారం జరుగుతుండగా ఈ సినిమాలో కీలక పాత్రలో వరుణ్ తేజ్ నటించనున్నారని తెలుస్తోంది.
విదేశాల నుంచి భారత్ కు తిరిగి వచ్చి సీఎం పదవికి పోటీ చేసే పాత్రలో వరుణ్ తేజ్ కనిపించనున్నారని సమాచారం. ఇప్పటికే ఆచార్యలో చరణ్ తో కలిసి చిరంజీవి నటిస్తుండగా లూసిఫర్ రీమేక్ లో చిరంజీవి వరుణ్ కలిసి నటిస్తున్నారంటూ వార్తలు రావడం గమనార్హం. చిరంజీవి, వరుణ్ కలిసి తెరపై కనిపిస్తే మెగా ఫ్యాన్స్ ఆనందానికి అవధులు ఉండవు. అయితే మేకర్స్ నుంచి ఈ మేరకు అధికారక ప్రకటన రావాల్సి ఉంది. ప్రస్తుతం గని, ఎఫ్3 సినిమాల్లో నటిస్తున్న వరుణ్ తేజ్ చిరంజీవి సినిమాలో ఛాన్స్ అంటే నో చెప్పే అవకాశం అయితే లేదు.
లూసిఫర్ రీమేక్ అయినప్పటికీ ఈ సినిమా భారీ బడ్జెట్ తో తెరకెక్కనుందని సమాచారం. ఈ సినిమా పూర్తైన తరువాత చిరంజీవి మెహర్ రమేష్, బాబీ డైరెక్షన్ లో నటించనున్నారు. చిరంజీవి తన సినిమాల్లో మెగా హీరోలకు ఛాన్స్ ఇస్తూ తనతో కలిసి నటించాలన్న మెగా హీరోల కోరికను సైతం తీరుస్తున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home