చిరంజీవి పుట్టిన రోజు సందర్భంగా ఆయన ఇంట్లో రోజంతా సందడి వాతావరణం నెలకొంది. రక్షాబంధన్‌ సందర్భంగా ఉదయం చెల్లెళ్లతో రాఖీ కట్టించుకున్నారు చిరు. ఆ సందర్భంగా తీసిన వీడియోను నాగబాబు షేర్‌ చేశారు. ఆ సందడిని చూసి ఎంజాయ్‌ చేసిన అభిమానులకు… సోమవారం సాయంత్రం కొణిదెల ప్రొడక్షన్స్‌ ఓ స్పెషల్‌ సర్‌ప్రైజ్‌ ఇచ్చింది. ఆగస్టు 22న చిరంజీవి ఇంట్లో జరిగిన సందడి అంటూ సుమారు ఐదు నిమిషాల నిడివి ఉన్న వీడియో విడుదల చేసింది. అందులో భలే సరదా సన్నివేశాలు, సర్‌ప్రైజ్‌లు ఉన్నాయి.
మెగా ఫ్రేమ్‌లో పవన్ కల్యాణ్‌ మిస్‌ అయినప్పుడల్లా ఫ్యాన్స్ బాధపడుతూ ఉంటారు. అయితే ఈసారి ఆ ఇబ్బంది ఏం లేదు. ఎందుకంటే పవన్ వచ్చాడు. అంతేకాదు వదిన సురేఖతో ‘సురేఖ గారు ఎలా ఉన్నారు?’ అంటూ సరదాగా ఓ జోకేశాడు కూడా. దానికి సురేఖ సమాధానం అయితే చెప్పడానికి మాటలు ఉండవు. వీడియోలో చూడాల్సిందే. ఆ తర్వాత చాలా ఫ్రేమ్స్‌లో ఉత్సాహంగా అందరితో నవ్వుతూ కనిపించాడు పవన్. ఇది అభిమానులకు కనులపండువగా కనిపిస్తుంది. తల్లితో సరదాగా నాగబాబు చేసే సందడి అయితే మరో వావ్‌ ఎలిమెంట్‌ వీడియోకు.
బర్త్‌డే బాయ్‌ చిరంజీవితో కేక్‌ కట్‌ చేయించాక… మరో ఆసక్తికరమైన షాట్‌ ఒకటి వీడియోలో కనిపిస్తుంది. అదే వరుణ్‌తేజ్‌తో చిరంజీవి చేసే సరదా మూమెంట్‌. మొత్తం మెగా ఫ్యామిలీలో వరుణ్‌తేజ్‌ ఎత్తే ఎక్కువ అంటారు. (అకీరా కూడా అంతే హైట్‌ ఉంటాడేమో) చిరంజీవి పక్కన వరుణ్‌ నిలబడినప్పుడు ఫొటో పోజ్‌ కోసం చిరంజీవి మునివేళ్ల మీద నిల్చుని నేనే హైట్‌ అని చెప్పేలా చేయడం ముచ్చటేస్తుంది. మధ్యలో మెగా హీరోలతో ఓ రాయల్‌ పోజు, ఆఖరున పిల్లలతో దిగిన ఫ్యామిలీ పోజు సూపర్ అంతే.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home