Chiranjeevi: కెరీర్ తొలినాళ్లలో అలాంటి అవమానాలు.. చిరంజీవి కామెంట్స్ వైరల్!

మెగాస్టార్ చిరంజీవికి (Chiranjeevi) వేల కోట్ల రూపాయల ఆస్తులు ఉన్నాయనే సంగతి తెలిసిందే. ఆయన సింపుల్ లైఫ్ ను గడుపుతారంటే ఎవరూ సులువుగా నమ్మరు. అయితే చిరంజీవి తన వ్యక్తిగత జీవితానికి సంబంధించి షాకింగ్ విషయాలను వెల్లడించారు. హైదరాబాద్ లో తెలుగు డిజిటల్ మీడియా ఫెడరేషన్ వేడుకలు జరగగా ఈ కార్యక్రమానికి చిరంజీవి ముఖ్య అతిథిగా హాజరయ్యారు. నేను ఈ స్థాయికి రావాలని కలలు కన్నానని సెలబ్రిటీ అయితే అందరూ మనల్నే చూస్తారని అర్థమైందని ఆయన తెలిపారు.

నాన్నకు కూడా సినిమా రంగం అంటే ఇష్టమని చిరంజీవి అన్నారు. నా ఫోటోలతో ఆఫీసుల చుట్టూ తిరిగే పరిస్థితిని భగవంతుడు కల్పించలేదని ఆయన పేర్కొన్నారు. పునాది రాళ్లు సినిమాలో నా నటన చూసి ప్రాణం ఖరీదులో ఛాన్స్ ఇచ్చారని చిరంజీవి పేర్కొన్నారు. లైఫ్ ఎప్పుడూ సులువుగా ఉండదని ఒక సీన్ షూట్ సమయంలో క్రాంతి కుమార్ నాపై కేకలు వేశారని చిరంజీవి వెల్లడించారు.

కెరీర్ తొలినాళ్లలో పాండీ బజార్ లో హీరోగా చేస్తావా అంటూ ట్రోల్స్ చేశారని వాళ్ల మాటలు విని ఎంతో బాధ పడ్డానని చిరంజీవి పేర్కొన్నారు. నాన్న మా ఫ్యామిలీ స్టార్ అని మా కుటుంబంలో ఎవరు ఎంత ఎత్తుకు ఎదిగినా అందరూ ఒకేచోట కలిసేలా సురేఖ ప్లాన్ చేస్తుందని మెగాస్టార్ తెలిపారు. నేను మిక్కీ మౌస్, కామిక్ చిత్రాలు చూస్తానని ఆయన అన్నారు. మా ఇంట్లో వాళ్లు లైట్స్ ఆన్ చేసి వెళ్తే నేనే ఆఫ్ చేస్తానని చిరంజీవి తెలిపారు.

షాంపూ అయిపోతే ఆ బాటిల్ లో నీళ్లు పోసి వాడుతుంటానని ఆయన చెప్పుకొచ్చారు. సోప్ చివరకు వచ్చాక చిన్నచిన్న ముక్కలు కలిపి వాడతానని పొదుపు చేయడం అవసరం అని చిరంజీవి వెల్లడించారు. చిరంజీవి చెప్పిన విషయాలు నెటిజన్లను ఎంతగానో ఆకట్టుకుంటున్నాయి. మెగాస్టార్ పారితోషికం సైతం భారీ రేంజ్ లో ఉండగా విశ్వంభరతో (Vishwambhara) మెగాస్టార్ ఏ ఏంజ్ సక్సెస్ సాధిస్తారో చూడాలి.