Chiranjeevi: చిరు మాటలకు మోహన్ లాల్ ఫ్యాన్స్ హర్టు!

October 6, 2022 / 07:53 AM ISTByFilmy Focus

Join Us

Chiranjeevi: చిరు మాటలకు మోహన్ లాల్ ఫ్యాన్స్ హర్టు!

మెగాస్టార్ చిరంజీవి చేసిన ఒక కామెంట్ మలయాళ సూపర్ స్టార్ మోహన్ లాల్ ఫ్యాన్స్ ను హర్ట్ చేసింది. మోహన్ లాల్ నటించిన ‘లూసిఫర్’ సినిమాను చిరు హీరోగా ‘గాడ్ ఫాదర్’ పేరుతో తెలుగులో రీమేక్ చేసిన సంగతి తెలిసిందే. ఈ సినిమా బుధవారం నాడు దసరా కానుకగా విడుదలైంది. దీనికి ప్రేక్షకుల నుంచి మంచి రెస్పాన్స్ వస్తోంది. ఇదిలా ఉండగా.. ఈ సినిమా ప్రమోషన్స్ లో భాగంగా చిరంజీవి కొన్ని కామెంట్స్ చేశారు.

‘లూసిఫర్’ సినిమాను రీమేక్ చేస్తే బాగుంటుందని రామ్ చరణ్ తనకు చెప్పినప్పుడు.. రెండోసారి సినిమాను చూశానని.. అప్పుడు ఆ సినిమా తనకు అంత బాగా అనిపించలేదని.. ఏదో అసంతృప్తిగా అనిపించిందని అన్నారు. దీంతో సీనియర్ రైటర్ సత్యానంద్ తో వర్క్ చేయించామని.. ఆ తరువాత దర్శకుడు మోహన్ రాజా కూడా ఈ ప్రాజెక్ట్ లోకి వచ్చారని.. అతడు చేసిన మార్పులు, చేర్పులతో సినిమా సంతృప్తికరంగా మారిందని చిరు అన్నారు.

‘లూసిఫర్’ సినిమా పెద్దగా బాలేదని.. తెలుగులో దాన్ని మరింత బెటర్ గా తీశామని చిరు చేసిన కామెంట్స్ మలయాళ ప్రేక్షకులకు, ముఖ్యంగా మోహన్ లాల్ ఫ్యాన్స్ కు నచ్చలేదని. మరోపక్క ‘గాడ్ ఫాదర్’ సినిమాకి మాటలు రాసిన లక్ష్మీ భూపాల సైతం ఓ ఇంటర్వ్యూలో మాట్లాడుతూ.. తెలుగులో చిరు చేసిన గాడ్ ఫాదర్ పాత్రను మోహన్ లాల్ కూడా చేయలేదని అన్నారు. దీంతో మోహన్ లాల్ ఫ్యాన్స్ ‘గాడ్ ఫాదర్’ టీమ్ ను సోషల్ మీడియాలో ట్రోల్ చేస్తున్నారు.

తెలుగులో ‘గాడ్ ఫాదర్’ ట్రైలర్ రిలీజ్ అయినప్పుడు.. మోహన్ లాల్ తో పోల్చి చిరుని కించపరిచే ప్రయత్నం చేశారు కొన్ని షాట్స్ లో మోహన్ లాల్ ముందు చిరు తేలిపోయారని ట్రోల్ చేశారు. ఇప్పుడు చిరు చేసిన కామెంట్స్ ను పట్టుకొని ఆయన్ను టార్గెట్ చేస్తున్నారు. ఈరోజు విడుదలైన ‘గాడ్ ఫాదర్’ సినిమాకి పాజిటివ్ టాక్ వస్తుంది కాబట్టి ఇప్పటికైనా ట్రోలింగ్ ఆగుతుందేమో చూడాలి!