బిగ్ బాస్ ఫైనల్లో నాగార్జునపై చిరంజీవి ఫన్నీ కామెంట్స్

ఇండస్ట్రీ అగ్ర కథానాయకులు చిరంజీవి-నాగార్జున-వెంకటేష్-బాలకృష్ణలు మంచి స్నేహితులే అయినప్పటికీ.. చిరంజీవి-నాగార్జున బంధం కాస్త గట్టిది. సినిమా పరమైన బంధమే కాదు, వ్యాపారానుబంధం కూడా పుష్కలంగా ఉంది ఇద్దరికీ. మాటీవీ మెయిన్ మెంబర్స్ వీరిద్దరే. వయసులో పెద్ద వాడైన చిరంజీవి ఎప్పుడు నాగార్జున “గారు, సార్” అనే సంభోదిస్తారు, చిరంజీవి పెద్దరికంతో “నాగ్” అనే అంటారు. ఈ ఇద్దరి అనుబంధాన్ని చూసి అందరూ మురిసిపోతుంటారు. అఖిల్ “హలో” ప్రీరిలీజ్ ఈవెంట్ కు విచ్చేసి చిరంజీవి ఇచ్చిన మైలేజ్ మామూలుది కాదు.

అయితే.. ఈ ఇద్దరు కలిసి నిన్న బిగ్ బాస్ సీజన్ 4, ఫైనల్ ఎపిసోడ్ ను హోస్ట్ చేసిన విధానం టాక్ ఆఫ్ ది టాలీవుడ్ గా మారింది. చిరంజీవి కామెడీ టైమింగ్, నాగార్జున చరిష్మా గ్రాండ్ ఫైనాలెకు స్పెషల్ అట్రాక్షన్స్ గా నిలిచాయి. చిరంజీవి నడుము సైజ్ గురించి నాగార్జున వేసిన జోకులు, నాగార్జునను ఫిజిక్ & మెయింటెనెన్స్ చూస్తే కడుపు మంటగా ఉందని చిరంజీవి విసుర్లు ప్రేక్షకులను విశేషంగా ఆకట్టుకున్నాయి.

ఈ ఇద్దరు కెమిస్ట్రీ చూసాక ఆడియన్స్ షో విన్నర్ ఎవరు, రన్నర్ ఎవరు అనే విషయాన్ని కూడా పెద్దగా పట్టించుకోలేదు. ఈ ఇద్దరి ఆన్ స్క్రీన్ & ఆఫ్ స్క్రీన్ కెమిస్ట్రీకి, ఇద్దరి కాంబినేషన్ లో ఒక సినిమా పడితే ఎంత బాగుండుంటుందో అని ఇరు వర్గాల అభిమానులు ఆశాభావం వ్యక్తం చేశారు.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!