Satyadev: గాడ్ ఫాదర్ మేకర్స్ నిర్ణయం కరెక్టేనా?

మరో మూడు వారాల్లో చిరంజీవి హీరోగా మోహన్ రాజా డైరెక్షన్ లో తెరకెక్కిన గాడ్ ఫాదర్ సినిమా థియేటర్లలో విడుదల కానుంది. ఈ సినిమాపై ఒక వర్గం ప్రేక్షకుల్లో బాగానే అంచనాలు ఏర్పడ్డాయి. లూసిఫర్ సినిమాకు రీమేక్ గా ఈ సినిమా తెరకెక్కుతుండగా ఇప్పటికే లూసిఫర్ సినిమాను చూసిన వాళ్లకు సైతం నచ్చేలా ఈ సినిమాను తెరకెక్కించారు. ఈ సినిమాలో విలన్ పాత్రలో సత్యదేవ్ కనిపిస్తున్నారు. సత్యదేవ్ భార్య పాత్రలో నయనతార నటిస్తుండగా సత్యదేవ్ పాత్ర పేరు జయదేవ్ కావడం గమనార్హం.

అయితే గాడ్ ఫాదర్ సినిమాలో సత్యదేవ్ ఎంపిక కరెక్టేనా అనే కామెంట్లు వినిపిస్తున్నాయి. చిరంజీవి నటించిన ఆచార్య సినిమాకు సత్యదేవ్ మైనస్ అయిన సంగతి తెలిసిందే. సత్యదేవ్ టాలెంట్ ఉన్న నటుడే అయినప్పటికీ అన్ని వర్గాల ప్రేక్షకులలో నటుడిగా మరీ భారీ స్థాయిలో గుర్తింపు లేదనే విషయం తెలిసిందే. మలయాళంలో బాలీవుడ్ నటుడు వివేక్ ఒబేరాయ్ నటించిన రోల్ లో తెలుగులో సత్యదేవ్ కనిపించనున్నారని సమాచారం అందుతోంది.

అయితే నయనతార భర్తగా సత్యదేవ్ ఎంపిక కరెక్ట్ కాదని కొంతమంది ఫీలవుతున్నారు. వయస్సులో కూడా నయనతారతో పోలిస్తే సత్యదేవ్ నాలుగేళ్లు చిన్న వ్యక్తి కావడం గమనార్హం. తెలుగులో సత్యదేవ్ పాత్రను చంపడానికి సల్మాన్ ఖాన్ ఎంట్రీ ఉంటుంది. అయితే సత్యదేవ్ కోసం సల్మాన్ ఖాన్ అవసరమా అని కొంతమంది నెటిజన్లు కామెంట్లు చేస్తున్నారు. దసరా పండుగ కానుకగా అక్టోబర్ 5వ తేదీన ఈ సినిమా రిలీజ్ కానుంది.

ఈ సినిమా రిలీజ్ డేట్ లో ఏ మాత్రం మార్పు లేదని ఇప్పటికే క్లారిటీ వచ్చింది. హిందీలో కూడా ఈ సినిమా గ్రాండ్ గా రిలీజ్ కానుందని తెలుస్తోంది. చిరంజీవికి ఈ సినిమాతో పాన్ ఇండియా సక్సెస్ దక్కడం గ్యారంటీ అని కామెంట్లు వ్యక్తమవుతున్నాయి. సత్యదేవ్ రోల్ గురించి వైరల్ అవుతున్న కామెంట్స్ విషయంలో గాడ్ ఫాదర్ మేకర్స్ ఎలా స్పందిస్తారో చూడాల్సి ఉంది.

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!