మెగాస్టార్ చిరంజీవి-కొరటాల శివ కాంబినేషన్ లో ‘ఆచార్య’ సినిమా తెరకెక్కుతోన్న సంగతి తెలిసిందే. ప్రస్తుతం లాక్ డౌన్ కారణంగా సినిమా షూటింగ్ వాయిదా పడింది. ఒక్కసారి లాక్ డౌన్ ఎత్తేస్తే వీలైనంత త్వరగా షూటింగ్ పూర్తి చేయాలని చూస్తున్నారు. దీని తరువాత చిరంజీవి మలయాళ సూపర్ హిట్ సినిమా ‘లూసిఫర్’ను రీమేక్ చేయాల్సివుంది. ఈ రీమేక్ ను మోహన్ రాజా తెరకెక్కించనున్నారు. ఇప్పటికే స్క్రిప్ట్ పనులన్నీ పూర్తయ్యాయి. అయితే ప్రస్తుతం ఈ సినిమాలో నటించే ఆలోచనను చిరు విరమించుకున్నట్లు తెలుస్తోంది.
‘లూసిఫర్’ను తెలుగు నేటివిటీకు తగ్గట్లుగా ఎన్ని మార్పులు చేసినా కూడా చిరుకి తృప్తిగా అనిపించడం లేదట. ఈ సినిమా మన నేటివిటీకు మ్యాచ్ కాదేమోననే సందేహాలు చిరులో మొదలయ్యాయట. ఈ విషయాలన్నీ పక్కన పెడితే ప్రస్తుతం చిరు తన పని భారాన్ని తగ్గించుకోవాలని చూస్తున్నారు. కరోనా కారణంగా ప్రపంచం మొత్తం ఇబ్బంది పడుతోంది. షూటింగ్ లు నిర్వహించడానికి ప్రస్తుతం ఇది సరైన సమయం కాదు. ఇలాంటి పరిస్థితుల్లో రిస్క్ తీసుకోవడం చిరుకి ఇష్టం లేదనిసమాచారం .
‘ఆచార్య’ షూటింగ్ తరువాత చిరు కొంతకాలం రెస్ట్ తీసుకోవాలని భావిస్తున్నారట. పరిస్థితులు చక్కబడిన తరువాత కొత్త కథల గురించి ఆలోచించాలని నిర్ణయానికి వచ్చినట్లు తెలుస్తోంది. అందుకే ‘లూసిఫర్’ పనులకు బ్రేక్ పడింది. అయితే ఇది కొంతకాలం వరకేనా..? లేక పర్మనంట్ గా ఫుల్ స్టాప్ పెట్టేస్తారో చూడాలి!
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
