Chiranjeevi, Varun Tej: వరుణ్ కోసం చిరంజీవి అలా చేయబోతున్నారా?

April 20, 2022 / 11:55 AM ISTByFilmy Focus

Join Us

Chiranjeevi, Varun Tej: వరుణ్ కోసం చిరంజీవి అలా చేయబోతున్నారా?

మెగాస్టార్ చిరంజీవి కథలు వినే సమయంలోనే సినిమా ఫలితాలను దాదాపుగా కరెక్ట్ గా అంచనా వేస్తారు. రామ్ చరణ్ తక్కువ సమయంలోనే స్టార్ హీరోగా ఎదగడంలో చిరంజీవి కృషి ఎంతో ఉంది. చిరంజీవి ప్రస్తుతం ఏడాదికి రెండు సినిమాలు రిలీజయ్యేలా కెరీర్ ను ప్లాన్ చేసుకుంటున్నారు. ఖైదీ నంబర్ 150, సైరా నరసింహారెడ్డి సినిమాలతో ఘన విజయాలను సొంతం చేసుకున్న చిరంజీవి మరికొన్ని రోజుల్లో ఆచార్య సినిమాతో ప్రేక్షకుల ముందుకు రానున్నారు.

Click Here To Watch NOW

చిరంజీవి, చరణ్ ఫుల్ లెంగ్త్ రోల్స్ లో నటిస్తున్న తొలి సినిమా ఆచార్య కావడం గమనార్హం. అయితే ఆర్ఆర్ఆర్ సినిమా బ్లాక్ బస్టర్ హిట్ సాధించి కొడుకు ఖాతాలో మరో సక్సెస్ చేరడంతో సంతోషంలో ఉన్న చిరంజీవిని గని ఫలితం కొంతమేర హర్ట్ చేసిందని తెలుస్తోంది. వరుణ్ తేజ్ కెరీర్ పై మెగాస్టార్ దృష్టి పెట్టారని వరుణ్ కోసం కమర్షియల్ హంగులతో ఉన్న కథ చెప్పాలని చిరంజీవి దర్శకులను కోరుతున్నారని సమాచారం.

వరుణ్ తేజ్ కెరీర్ లో ఎన్నో విజయాలు ఉన్నాయి. అటు మాస్ సినిమాలతో ఇటు క్లాస్ సినిమాలతో వరుణ్ విజయాలను అందుకున్నారు. గని సినిమాకు ముందు వరుణ్ నటించిన రెండు సినిమాలు కూడా బ్లాక్ బస్టర్ హిట్లుగా నిలిచాయి. ఎఫ్3 సినిమాతో వరుణ్ ఖాతాలో మరో సక్సెస్ చేరే ఛాన్స్ ఉంది. అయితే ఈ సినిమాలో వెంకటేష్ మరో హీరో కావడంతో ఎఫ్3 హిట్టైనా పూర్తిస్థాయిలో వరుణ్ కు క్రెడిట్ దక్కదు.

వరుణ్ తేజ్ ప్రవీణ్ సత్తారు సినిమాకు గ్రీన్ సిగ్నల్ ఇవ్వగా ఈ సినిమా విడుదలకు ముందే వరుణ్ ఖాతాలో మరో కమర్షియల్ సక్సెస్ చేరేలా చిరంజీవి జాగ్రత్తలు తీసుకుంటున్నారని బోగట్టా. గని సినిమా కమర్షియల్ గా ఆశించిన స్థాయిలో సక్సెస్ కాకపోయినా ఈ సినిమాలో వరుణ్ నటనకు మంచి మార్కులు పడ్డాయి. గని సినిమాలో వరుణ్ తేజ్ కొత్తగా కనిపించారని కొంతమంది నెటిజన్లు అభిప్రాయం వ్యక్తం చేశారు.