పవర్ స్టార్ పవన్ కల్యాణ్ తాజా చిత్రం సర్దార్ గబ్బర్ సింగ్ రిసల్ట్ గురించి, ఆ సినిమా ఎంతటి ఘోర పరాజయాన్ని చవి చూసిందో ప్రత్యేకంగా చెప్పనవసరం లేదు. అయితే ఎన్నో అంచనాల మధ్య విడుదలయిన ఆ సినిమా ఎందుకు అంచనాలను అందుకోలేక పోయింది అంటే ఒకటి కధలో బలం లేకపోవడం, రెండు ద్వితీయార్ధం పెద్దగా ఆకట్టుకోకపోవడం, అన్నింటికన్నా ముఖ్యంగా మూడు….హీరో పవన్ దర్శకుడిని పక్కన పెట్టి తానే సినిమా అంతా తెరకెక్కించడం.
అయితే ఈ సినిమా ఫలితాన్ని చూసి మిగిలిన హీరోలు ఎలా ఫీల్ అయ్యారో తెలీదు కానీ, మన మెగాస్టార్ మాత్రం ఏమాత్రం మారలేదు. ఆయన కూడా పవన్ ను ఫాలో అవుతూ, పవన్ చేసిన తప్పే చేస్తున్నాడు అని టాలీవుడ్ నుంచి వినిపిస్తున్న వాదన. ఇంతకీ విషయం ఏంటంటే…మెగాస్టార్ చిరంజీవి తన తన 150వ సినిమా కోసం తమిళ మూవీ ‘కత్తి’ని రీమేక్ చేస్తోన్న సంగతి తెలిసిందే. ఇక ఈ సినిమాకి దర్శకుడు అయినటువంటి వినాయక్ ఈ కధలో కొన్ని మార్పులు చేసి చిరుకి వినిపించగా, సంతృప్తి చెందని చిరు, వినాయక్ చేత పూర్తి కథని రీ రైట్ చేయించాడు. ప్రతి సీన్ ని తనకి నచ్చిన విధంగా మార్చుకున్నాడంట. ముఖ్యంగా సెకండాఫ్ లో చిరంజీవి అనుకున్నంతగా కథ లేదని అందుకే చిరునే డైరెక్ట్ గా రంగంలోకి దిగి కధలో మార్పు చేయడం జరిగింది అని తెలుస్తుంది. మరి పవన్ కళ్యాణ్ సైతం సర్ధార్ గబ్బర్ సింగ్ మూవీ కోసం ఏ విధంగా స్క్రిప్ట్ లో వేలు పెట్టాడో…ఇప్పుడు చిరంజీవి సైతం తన 150వ సినిమా కోసం పూర్తి వేలును పెట్టాడని అంటున్నారు. ఇక దర్శకుడికి పూర్తి ఫ్రీడం ఇవ్వకుండా హీరోలే కధలు మార్చేస్తే ఫలితాలు తేడాకొడుతున్నాయి అని విశ్లేషకులు చెబుతున్నారు. మరి ఈ సినిమా ఎలాంటి ఫలితాన్ని అందిస్తుందో చూద్దాం.
