మెగా అభిమానులకు చిరు మరో షాకిచ్చినట్టే..!

మెగాస్టార్ చిరంజీవి ఈ మధ్య కాలంలో ఆయన అభిమానులతో పాటు ప్రేక్షకులకు కూడా షాకులు ఇస్తూనే వస్తున్నారు. ఆయన ఏదైనా ప్రీ రిలీజ్ కు లేదా ఏదైనా వేడుకకు వస్తే చాలు.. ఆ చిత్రానికి లేదా తన చిత్రాలకు సంబంధించిన ముఖ్య విషయాలను లీక్ చేసేస్తున్నారు. ఈ విషయం పై ఆయనకు ఆయనే మీమ్స్ వేసేసుకుంటున్నారు అంటే.. ఆ విషయాన్ని ఎంత లైట్ గా తీసుకుంటున్నారో అర్థంచేసుకోవచ్చు. సరే ఈ విషయాలను పక్కకు పెట్టేస్తే.. ప్రస్తుతం ‘ఆచార్య’ షూటింగ్లో పాల్గొంటున్న చిరు..

మెహర్ రమేష్ డైరెక్షన్లో కూడా ఓ ప్రాజెక్ట్ ను ఓకే చేసి అభిమానులకు ఝలక్ ఇచ్చారు. ఇప్పుడు ఆయన మరో షాకింగ్ డెసిషన్ తీసుకున్నట్టు వినికిడి. మేటర్ ఏంటంటే.. మెగాస్టార్ చిరంజీవి ఏమాత్రం ఫామ్లో లేని శ్రీను వైట్ల డైరెక్షన్లో ఓ సినిమా చెయ్యడానికి ఓకే చెప్పారట. మేటర్ ఏంటంటే గత కొన్నేళ్లుగా శ్రీను వైట్ల.. మెగాస్టార్ వద్దకు వెళ్లి స్క్రిప్ట్ లు వినిపిస్తున్నారట. కానీ ఏదీ కూడా ఫైనల్ కావడం లేదు. కానీ మంచి స్క్రిప్ట్ తో వస్తే ఛాన్స్ ఇవ్వడానికి నేను ఎప్పుడూ రెడీనే అంటూ శ్రీను వైట్లకు ఎంతో సన్నిహితంగా చెప్పారట. ఇక ఇటీవల చిరునే..

దర్శకుడు శ్రీను వైట్లను పిలిపించి ‘ఎన్నై ఆరిందాల్'(తెలుగులో ‘ఎంత వాడు గాని’) చిత్రం చూసావా అని అడిగారట. ఆ చిత్రాన్ని తెలుగులో రీమేక్ చెయ్యాలని భావిస్తున్నట్టు చెప్పి.. స్క్రిప్ట్ రెడీ చెయ్యమని చెప్పారట. అది కనుక సంతృప్తిగా రెడీ చేస్తే ప్రాజెక్టు ఓకే చేద్దాం అని భరోసా ఇచ్చారట చిరు. ప్రస్తుతం శ్రీను వైట్ల ఆ పనుల్లో కూడా బిజీగా ఉన్నట్టు తెలుస్తుంది. అంతేకాకుండా ప్రస్తుతం విష్ణుతో ఆయన ‘ఢీ’ సీక్వెల్ ను తెరకెక్కిస్తున్న సంగతి తెలిసిందే.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!