మెగాస్టార్ చిరంజీవి సినిమాల్లోకి రీ ఎంట్రీ ఇచ్చిన తర్వాత మరింత జోష్ తో ముందుకు దూసుకుపోతున్నారు. బుల్లి తెరలో హోస్ట్ గా వ్యవహరిస్తూనే ఇతర హీరోల సినిమాలకు వాయిస్ ఓవర్ ఇస్తున్నారు. కొన్ని రోజుల క్రితం దగ్గుబాటి రానా నటించిన ఘాజీ చిత్రానికి వాయిస్ ఓవర్ ఇచ్చిన చిరంజీవి లేటెస్ట్ గా రాక్ స్టార్ మంచు మనోజ్ “గుంటూరోడు లవ్ లో పడ్డాడు” మూవీకి గొంతుని అరువు ఇచ్చారు. నూతన దర్శకుడు సత్య దర్శకత్వంలో రూపొందిన ఈ సినిమా ఘాటైన టీజర్, ట్రైలర్ తో ఇండస్ట్రీలో హాట్ టాపిక్ అయింది. ఇప్పుడు మెగాస్టార్ చిరంజీవి వాయిస్ ఓవర్ ని జోడించుకొని బలంగా తయారైంది.
సినిమాలోని ఒక కీలక సమయంలో వచ్చే చిరు వాయిస్ కథను స్పీడ్ పెంచుతుందని చిత్ర బృందం తెలిపింది. మెగాస్టార్ వాయిస్ ఓవర్ ఇచ్చినందుకు ఆయనకు సోషల్ మీడియా వేదికగా ధన్యవాదాలు చెప్పింది. ప్రగ్యా జైస్వాల్ హీరోయిన్గా నటించిన ఈ చిత్రం మార్చి 3 న రిలీజ్ కి సిద్ధమవుతోంది. ఈ మూవీ మంచు మనోజ్ ని హిట్ ట్రాక్ లోకి తీసుకొస్తుందని మంచు అభిమానులు ధీమా వ్యక్తం చేస్తున్నారు.
Also, do SUBSCRIBE to our YouTube channel to get latest Tollywood updates.
