Chiranjeevi: రామ్ చరణ్ బర్త్‌డే పార్టీలో ‘ఆర్ఆర్ఆర్’ టీమ్‌ని సత్కరించిన చిరంజీవి!

(Chiranjeevi) 2022 మార్చి 25న సరిగ్గా సంవత్సరం క్రితం ‘ఆర్ఆర్ఆర్’ రిలీజ్ అయింది.. 2023 మార్చి 25న మీడియా, సోషల్ మీడియా ఎక్కడ చూసినా ఈ సినిమా సందడే.. సంవత్సరంలో ఎన్ని ప్రశంసలు, పురస్కారాలు.. గోల్డెన్ గ్లోబ్, ఆస్కార్.. ఇలా కనీ వినీ ఎరుగని.. ఊహకందని ఎన్నో సంచలనాలు నమోదు చేసింది.. దర్శకధీరుడు రాజమౌళి ఈ చిత్రంతో తెలుగు సినిమా ఖ్యాతిని ప్రపంచ పటంలో పెట్టారు.. మన సినిమాకి వరల్డ్ వైడ్ రెస్పెక్ట్ తెచ్చారు..

ప్రపంచవ్యాప్తంగా ఉన్న ప్రేక్షకులంతా ‘నాటు నాటు’ పాటకు ఫిదా అయిపోయారు.. గోల్డెన్ గ్లోబ్, ఆస్కార్, పలు ఇంటర్నేషనల్ అవార్డులు అందుకున్న ట్రిపులార్ టీమ్ కొద్ది రోజుల క్రితం హైదరాబాద్ తిరిగి వచ్చేసింది.. రీసెంట్‌గా మెగాస్టార్ చిరంజీవి ‘బెస్ట్ ఒరిజినల్ సాంగ్’ కేటగిరీలో ఆస్కార్ సాధించిన ప్రెస్టీజియస్ ఫిలిం టీమ్ అందరినీ మర్యాద పూర్వకంగా సత్కరించారు..దీనికి చిరు ఇల్లు వేదికైంది.. అలాగే మెగా పవర్ స్టార్ రామ్ చరణ్ పుట్టినరోజు వేడుకల్లోనే ఈ కార్యక్రమం జరగడంతో పార్టీలో, వచ్చిన సెలబ్రిటీల్లో మరింత జోష్ నెలకొంది..

కొద్ది రోజులుగా మీడియాకి దూరంగా ఉన్న నిర్మాత దానయ్య కూడా కనిపించారు.. ‘ఆస్కార్ విజేతలని మిత్రుల సమక్షంలో సత్కరించుకోవటం నిజమైన వేడుక అనిపించింది. తెలుగు వారు భారతీయ సినిమా కి సాధించిన ఈ పురస్కారం చరిత్ర గా నిలిచిపోతుంది!’ అంటూ వారిని సన్మానిస్తున్న ఫోటోలను తన ట్విట్టర్, ఇన్‌స్టాగ్రామ్‌లో షేర్ చేశారు చిరు.. రాజమౌళి దంపతులు, కీరవాణి దంపతులతో పాటు కార్తికేయ, కాల భైరవ, రాహుల్ సిప్లిగంజ్, ప్రేమ్ రక్షిత్, డీవీవీ దానయ్య తదితరులను అక్కినేని ఫ్మామిలీ, వెంకటేష్, శ్రీకాంత్, అడివి శేష్, విజయ్ దేవరకొండ తదితరుల సమక్షంలో సత్కరించారు చిరు ..

తర్వాత నిర్మాతలు, దర్శకులంతా కలిసి ట్రిపులార్ డైరెక్టర్ రాజమౌళితో గ్రూప్ ఫోటో తీసుకున్నారు.. ప్రస్తుతం దీనికి సంబంధించిన పిక్స్ నెట్టింట వైరల్ అవుతున్నాయి.. చరణ్ పుట్టినరోజు వేడుకులకు టాలీవుడ్ సెలబ్రిటీలంతా కదలి వచ్చారు..

 

View this post on Instagram

 

A post shared by Chiranjeevi Konidela (@chiranjeevikonidela)

హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!

తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?