టాలీవుడ్ ఇండస్ట్రీలోని స్టార్ డైరెక్టర్లలో సుకుమార్ ఒకరు కాగా ఆయన సినిమాలు వేటికవే ప్రత్యేకం అనే సంగతి తెలిసిందే. దర్శకుడు సుకుమార్ బెస్ట్ ఫ్రెండ్ కిట్టయ్య ఒక ఇంటర్వ్యూలో మాట్లాడుతూ షాకింగ్ విషయాలను వెల్లడించారు. చిన్నప్పుడు ఏవైనా చిన్నచిన్న తప్పులు చేస్తే సుకుమార్ ను బుక్ చేసేవాడినని ఆయన పేర్కొన్నారు. నేను ఎనిమిదో తరగతి వరకే చదువుకున్నానని ఆయన వెల్లడించారు. సుకుమార్ సినిమాలలో నేను ఎక్కడో చోట కనిపిస్తాను కానీ పాత్రలు ఎక్కడా రిజిష్టర్ కాలేదని కిట్టయ్య పేర్కొన్నారు.
100% లవ్ లో కిట్టయ్య పాత్రలో నేను కనిపించానని ఆయన అన్నారు. సుకుమార్ స్కూల్ టైమ్ లోనే కవితలు బాగా రాసేవారని ఆయన అన్నారు. సుకుమార్ చదువుకుంటూనే స్నేహితులకు ట్యూషన్ చెప్పేవాడని మ్యాథ్స్ కు షార్ట్ కట్స్ బాగా చెప్పేవాడని కిట్టయ్య వెల్లడించారు. ఆ తర్వాత ఆదిత్య కాలేజ్ లో ఆయనకు అవకాశం వచ్చిందని కిట్టయ్య పేర్కొన్నారు. ఎడిటర్ మోహన్ గారి దగ్గర సుకుమార్ పని చేసేవారని అప్పట్లో సుకుమార్ కు కోపం ఎక్కువగా ఉండేదని ఆయన చెప్పుకొచ్చారు.
ఆ తర్వాత వినాయక్ దగ్గర సుకుమార్ దిల్ సినిమాకు పని చేశారని కిట్టయ్య వెల్లడించారు. ఆర్య సినిమా కథ సుకుమార్ చెబితే ఎవరికీ నచ్చలేదని ఆయన అన్నారు. బన్నీలో ఉన్న స్పార్క్ నాకు కనిపించిందని చెప్పి సుకుమార్ బన్నీని సెలెక్ట్ చేసుకున్నాడని కిట్టయ్య తెలిపారు. చిరంజీవి గారు ఆర్య సినిమా కథ విని ఓకే చెప్పాడని అల్లు అరవింద్ కూడా ఆ సినిమా విషయంలో భయపడగా మెగాస్టార్ నచ్చజెప్పి ఓకే చేయించారని కిట్టయ్య చెప్పుకొచ్చారు.
ఒక విధంగా బన్నీ (Allu Arjun) స్టార్ హీరో కావడానికి చిరంజీవి పరోక్షంగా కారణమని తెలిసి నెటిజన్లు సంతోషంగా ఫీలవుతున్నారు. బన్నీ సుకుమార్ కాంబోలో ప్రస్తుతం పుష్ప ది రూల్ తెరకెక్కుతున్న సంగతి తెలిసిందే. ఈ సినిమాపై భారీ స్థాయిలో అంచనాలు ఏర్పడ్డాయి.
జీవితంలో నేను కోరుకునేది ఇది మాత్రమే.. శోభిత చెప్పిన విషయాలివే!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
ఒకప్పుడు సన్నగా ఉండి ఇప్పుడు గుర్తుపట్టలేనంతగా మారిపోయిన 11 హీరోయిన్స్.!
