మెగాస్టార్ చిరంజీవి ప్రస్తుతం తన 151 వ చిత్రమైన ‘సైరా’ షూటింగ్లో బిజీగా ఉన్నారు. ఇప్పటికే 85 శాతం షూటింగ్ పూర్తిచేసుకుంది. సురేందర్ రెడ్డి డైరెక్ట్ చేస్తున్న ఈ చిత్రంలో లేడీ సూపర్ స్టార్ నయనతార హీరోయిన్ గా నటిస్తుంది. ఇక ఈ చిత్రం జూన్ నెలాఖరుకి పూర్తి చేసి పోస్ట్ ప్రొడక్షన్ పనులు మొదలుపెట్టాలనే ప్లాన్ లో ఉన్నారు. ఇక ఈ చిత్రం పూర్తయిన వెంటనే తన 152 వ చిత్రాన్ని కొరటాల శివ డైరెక్షన్లో చేయబోతున్నట్టు రాంచరణ్ ఇదివరకే తెలిపాడు. మొదటి ఈ చిత్రం ఏప్రిల్ లో ఉగాది రోజున మొదలు పెట్టాలని భావించారు. కానీ కొన్ని కారణాల వల్ల అది కుదర్లేదు.
దీంతో ఇప్పుడు ఆగష్టు నుండీ మొదలవ్వనుందని తాజా సమాచారం. గ్యాప్ లేకుండా ఈ చిత్రం షూటింగ్ ఉంటుందట. కేవలం 8 నెలల్లో ఈ చిత్రాన్ని పూర్తి చేసేలా… స్క్రిప్ట్ ను పక్కాగా రెడీ చేసుకున్నాడట కొరటాల. ఎంటర్టైన్మెంట్ తో పాటూ మెసేజ్ ఉండే అంశాలు కూడా ఈ చిత్రంలో పుష్కలంగా ఉంటాయట. ఇక ఈ చిత్రంలో సునీల్, అనసూయ కీలక పాత్రలు పోషిస్తున్నట్టు టాక్ నడుస్తుంది. అయితే హీరోయిన్ విషయం లో మాత్రం ఇంకా ఎటువంటి క్లారిటీ రాలేదు. అనుష్క, నయనతార, కీర్తి సురేష్, తమన్నా, శృతీ హాసన్ ఇలా చాలా మంది పేర్లు వినిపించాయి. కానీ ఇంకా ఫైనల్ చేయలేదు.
Home