చిరంజీవి రీఎంట్రీ చిత్రమైన “ఖైదీ నెం.150″లో చరణ్ ఒక పాటలో స్పెషల్ ఎంట్రీ ఇవ్వడంతో.. చిరంజీవి 151వ చిత్రమైన “సైరా నరసింహారెడ్డి” చిత్రంలోనూ చరణ్ గెస్ట్ రోల్ ఏదైనా ప్లే చేస్తాడేమో అని ఎదురుచూస్తున్నారు ప్రేక్షకులు. అయితే.. ఈ సినిమాకి చరణ్ నిర్మాతగా మాత్రమే పరిమితమయ్యాడని.. ప్రత్యేక పాత్రలు కానీ ఎంట్రీలు కానీ ఏమీ చేయలేదని క్లారిటీ ఇచ్చేశారు చిరంజీవి. అయితే.. ఈ చిత్రంలో షేర్ ఖాన్ అనే పాత్రను చరణ్ చేస్తే బాగుంటుందని.. సురేందర్ రెడ్డి చెప్పాడట. కానీ.. ఆ పాత్ర చిరంజీవి చేతిలో చనిపోయేది కావడంతో చిరు వద్దన్నాడట. అందుకే చరణ్ “సైరా” సినిమాలో కనిపించడం లేదని, లేదంటే కనిపించేవాడని స్వయంగా చిరంజీవి చెప్పుకొచ్చారు.
అక్టోబర్ 2న ప్రపంచవ్యాప్తంగా తెలుగు, తమిళ, మలయాళ, హిందీ, కన్నడ భాషల్లో విడుదలవుతున్న ఈ చిత్రంలో చిరంజీవి సరసన నయనతార, తమన్నా కథానాయికలుగా నటించగా.. విజయ్ సేతుపతి, అమితాబ్ బచ్చన్, సుదీప్, జగపతిబాబు ప్రత్యేక పాత్రలు పోషించారు. ఎట్టి పరిస్థితుల్లోనూ ఈ చిత్రాన్ని భారీస్థాయి విజయం సాధించడం ఖాయమని అందరూ విశేషమైన నమ్మకంతో ఉన్నారు. మరి సినిమా రిజల్ట్ ఏమవుతుందో తెలియాలంటే ఇంకో రెండ్రోజులు ఆగాల్సిందే.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
