‘చెప్పను బ్రదర్’ అంటూ పవన్ కళ్యాణ్ గురించి పొగరుగా మాట్లాడి అల్లు అర్జున్ వివాదానికి కారకుడయ్యాడు. అప్పటి నుంచి మెగా ఫ్యాన్స్ రెండుగా చీలిపోయారు. ఆ తర్వాత కార్యక్రమాల్లో పవన్ గురించి బన్నీ ప్రస్తావించలేదు. దీంతో పవన్, బన్నీ మధ్య దూరం పెరిగింది. మరో వివాదం వీరిద్దరిని కలిపింది. శ్రీ రెడ్డి తన తల్లిని దూషించడాన్ని నిరసిస్తూ పవన్ కళ్యాణ్ ఫిలిం ఛాంబర్ లో న్యాయం కోసం వచ్చారు. ఆసమయంలో పరిశ్రమలోని అనేకమంది హీరోలు, డైరక్టర్లు పవన్ కి మద్దతుగా నిలిచారు. స్టైలిష్ స్టార్ అల్లు అర్జున్ కూడా ఫిలిం ఛాంబర్ కి వచ్చి.. ఆవేశంతో రగిలిపోతున్న పవన్ ని హగ్ చేసుకొని శాంతిపజేయించారు. ఈ ఫోటోలు నిన్నంతా సోషల్ మీడియాలో వీరవిహారం చేశాయి. మెగా ఫ్యామిలీ అంతా ఒకటే.. మెగా ఫ్యాన్స్ అంతా ఒకటే అనే నినాదం తెరపైకి వచ్చింది.
అంతేకాదు మరో న్యూస్ కూడా ఫిలిం నగర్లో చక్కర్లు కొడుతోంది. అదే నా పేరు సూర్య సినిమా ప్రీ రిలీజ్ వేడుకకు పవన్ కళ్యాణ్ గెస్ట్ గా వస్తారని.. అంతేకాదు చరణ్ తన తండ్రి చిరంజీవితో కలిసి ఈ వేడుకలో పాల్గొంటారని ఫిలిం నగర్ వాసులు చెబుతున్నారు. వక్కంతం వంశీని దర్శకుడిగా పరిచయం చేస్తూ అల్లు అర్జున్ చేస్తున్న ఈ సినిమాలో అను ఇమ్మాన్యుయేల్ హీరోయిన్ గా నటిస్తోంది. కె.నాగబాబు సమర్పణలో రామలక్ష్మి సినీ క్రియేషన్స్ బ్యానర్లో శిరీష శ్రీధర్, బన్నీ వాసులు కలిసి నిర్మిస్తున్న ఈ మూవీ వచ్చే నెల 4 న థియేటర్లోకి రానుంది. ఈ చిత్ర ప్రీ రిలీజ్ వేడుకను ఈ నెల 29న హైదరాబాద్ లో జరపాలని ఫిక్స్ అయ్యారు. సో ఈ వేడుక మెగా అభిమానులకు కనుల పండుగ కానుంది.
