మరో భారీ పాన్ ఇండియా మూవీ చిరు నుండి రానుందా?

May 6, 2020 / 05:50 PM ISTByFilmy Focus

Join Us

మరో భారీ పాన్ ఇండియా మూవీ చిరు నుండి రానుందా?

దేశం గర్వించదగ్గ దర్శకులలో శంకర్ ఒకరు. భారతీయ సినిమాకు భారీతనాన్ని నేర్పిన ఘనత ఆయనది. ఆయన తన మొదటి చిత్రం జెంటిల్ మెన్ నుండే అద్భుతమైన కథలతో, సామాజిక అంశాలను టచ్ చేస్తూ సినిమాలు తీస్తున్నారు. కాగా ఈ దర్శకుడితో పని చేయాలని ఏ స్టార్ హీరోకి అయినా ఉంటుంది. దాదాపు రెండు దశాబ్దాలకు పైగా శంకర్ దర్శకత్వంలో చిరంజీవి మూవీ వస్తే చూడాలని ఆశగా ఫ్యాన్స్ ఎదురుచూస్తున్నారు. కేవలం తమిళ హీరోలతో మాత్రమే సినిమాలు చేసే శంకర్ తెలుగులో ఏ ఒక్క స్టార్ హీరోతో సినిమా చేయలేదు.

ఐతే 1994లో చిరంజీవి శంకర్ తెరకెక్కించిన జెంటిల్ మెన్ సినిమాను హిందీలో అదే టైటిల్ తో రీమేక్ చేశారు. అక్కడ ఆ సినిమాకు దర్శకుడు మహేష్ భట్ దర్శకత్వం వహించారు. కాగా ఇన్నేళ్ల తరువాత వీరి కాంబినేషన్ లో మూవీ రావచ్చని గట్టిగా వినిపిస్తుంది. చిరంజీవి, శంకర్ కాంబినేషన్ లో మూవీ చేయాలని కొందరు నిర్మాతలు ఇప్పటికే ప్రయత్నాలు మొదలుపెట్టారని వినికిడి. మరి ఇదే కనుక నిజం అయితే మెగా ఫ్యాన్స్ మరో క్రేజీ మూవీ చూడబోతున్నారని అనుకోవచ్చు.

Chiranjeevi planning for a pan india film1

ప్రస్తుతం శంకర్ భారతీయుడు సినిమాకు కొనసాగింపుగా భారతీయుడు2 తీస్తున్నారు. అలాగే చిరంజీవి దర్శకుడు కొరటాల శివ దర్శకత్వంలో ఆచార్య మూవీలో నటిస్తున్నారు. మరో వైపు ఆయన కొరకు లూసిఫర్ తెలుగు రీమేక్ స్క్రిప్ట్ యంగ్ డైరెక్టర్ సుజీత్ రెడీ చేస్తున్నారు. మరి ఈ ప్రాజెక్ట్స్ పూర్తి అయిన తరువాత శంకర్ డైరెక్షన్ లో చిరు మూవీ ఉండే అవకాశం కలదు.