మెగాస్టార్ చిరంజీవి హీరోగా కోదండరామిరెడ్డి డైరెక్షన్లో తెరకెక్కిన ‘దొంగ మొగుడు’ చిత్రం ప్రేక్షకులకు గుర్తుండే ఉంటుంది. 1987 వ సంవత్సరంలో విడుదలైన ఈ చిత్రం అప్పట్లో పెద్ద హిట్ అయ్యింది. చిరంజీవి ఈ సినిమాలో డబుల్ రోల్ ప్లే చేసాడు. మాధవి,భానుప్రియ, రాధిక లు హీరోయిన్లుగా నటించారు. మాస్ ప్రేక్షకులను అలరించే అన్ని అంశాలు ఇందులో పుష్కలంగా ఉంటాయి.యండమూరి వీరేంద్రనాథ్ రచించిన ‘నల్లంచు తెల్లచీర’ అనే నవల ఆధారంగా ఈ చిత్రం రూపొందింది.
దీనికి ఆయన కూడా ఓ రైటర్ గా వ్యవహరించడం విశేషం. ఇదిలా ఉండగా.. ఈ చిత్రాన్ని ఇప్పుడు ఓటిటి కోసం ఆయనే రీమేక్ చేయబోతున్నాడనేది తాజా సమాచారం.పలు మార్పులు, చేర్పులూ చేసి.. ‘నల్లంచు తెల్లచీర’ ని ఓటిటి కోసం రచయిత యండమూరి వీరేంద్రనాథ్ డైరెక్ట్ చేయబోతున్నాడట.చిరంజీవి హీరోగా వచ్చిన ‘స్టువ‌ర్టుపురం పోలీస్ స్టేష‌న్‌’ తో.. ఈయన దర్శకుడిగా మారారు. కానీ ఆ అవకాశాన్ని సద్వినియోగ పరుచుకోలేకపోయిన సంగతి తెలిసిందే.
అయితే ఇన్నేళ్ళ తర్వాత మళ్ళీ ఆయన మెగా ఫోన్ ప‌ట్ట‌బోతున్నాడు. మొన్నామధ్య చిరంజీవి కుటుంబంతో ఈయనకి మనస్పర్థలు వచ్చినట్టు ప్రచారం జరిగింది. ఆ వార్తలను ఈయన తోసిపుచ్చినప్పటికీ.. అది నిజమే అని చాలా మంది చెప్పుకొచ్చారు. సరే ఇంతకీ మెగాస్టార్ తో కాకుండా ఈ రీమేక్ ను ఏ హీరోతో తెరకెక్కిస్తాడు? ఏ హీరో మెగాస్టార్ సినిమాకి అలాగే ఆయన పాత్రకి న్యాయం చేయగలడు అనేది పెద్ద ప్రశ్న?
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
