Narappa Movie: ‘నారప్ప’ లో మెగాస్టార్ చిరంజీవి పాటని వాడేసారా?

గత వారం నేరుగా అమెజాన్ ప్రైమ్లో రిలీజ్ అయ్యి హిట్ టాక్ ను సొంతం చేసుకుంది ‘నారప్ప’. ఇప్పుడు ఎక్కడ చూసినా ఈ సినిమా గురించే చర్చ నడుస్తుంది అలాగే మీమ్స్ కనిపిస్తున్నాయి. చాలా కాలం తర్వాత వెంకటేష్ ను మాస్ యాంగిల్ లో చూడడంతో ఆయన అభిమానులు ఆనందం వ్యక్తం చేస్తుండడం మనం చూస్తూనే వస్తున్నాం.టాలీవుడ్ సెలబ్రిటీలు సైతం వెంకటేష్ నటన అద్భుతం అంటూ ప్రశంసలు కురిపిస్తున్నారు. ఈ మధ్యనే మెగాస్టార్ చిరంజీవి కూడా ‘ఈ సినిమా లో నాకు వెంకటేష్ అసలు కనిపించలేదు..

నారప్పే కనిపించాడు’ అంటూ చెప్పడం వెంకీ అభిమానుల్లో మరింత జోష్ ను నింపిందని చెప్పొచ్చు. ఇదిలా ఉండగా.. ‘నారప్ప’ మూవీలో చిరంజీవిని పొగుడుతూ ఓ సీన్ కూడా ఉంటుంది. ‘నారప్ప’ పెద్ద కొడుకు విలన్ కు బుద్ది చెప్పడానికి అతన్ని ఫాలో అవుతూ ఓ థియేటర్ కు వెళ్తాడు. ఆ థియేటర్లో చిరంజీవి నటించిన సినిమా ఒకటి ప్రదర్శింపబడుతుంటుంది.ఈ నేపథ్యంలో ఓ పాట కూడా వస్తుండడాన్ని మనం గమనించొచ్చు.

‘కట్టు జారిపోతా ఉంది.. చీర కట్టు జారిపోతా ఉంది..’ అనేది ఆ పాట. ఈ పాట వస్తున్నప్పుడు విలన్.. ‘చాలా బాగా చేస్తున్నాడు.. ఈ కుర్రాడు భవిష్యత్తులో పెద్ద స్థాయికి వెళ్తాడు’ అని అంటాడు. నిజానికి ఈ పాట.. చిరంజీవి నటించిన ‘సంఘర్షణ’ సినిమాలోనిది. 1983 వ సంవత్సరంలో వచ్చిన ఈ సినిమాని ‘సురేష్ ప్రొడక్షన్స్’ బ్యానర్ పై డా.డి.రామానాయుడు గారే నిర్మించారు. ఎలాగు వాళ్ళ సినిమానే కాబట్టి.. పనిలో పనిగా ‘నారప్ప’ లో వాడుకున్నారన్న మాట. కె.చక్రవర్తి గారు ఈ చిత్రానికి సంగీత దర్శకులు.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!