ప్రముఖ టాలీవుడ్ డైరెక్టర్లలో ఒకరైన బాబీ వెంకీమామ సినిమా సక్సెస్ తరువాత చిరంజీవి హీరోగా తెరకెక్కనున్న సినిమాకు దర్శకత్వం వహించనున్నారు. ఇప్పటికే ఈ సినిమా స్క్రిప్ట్ పనులు పూర్తి కాగా విజయదశమి నుంచి ఈ సినిమా షూటింగ్ మొదలు కానుందని బాబీ చెబుతున్నారు. నిన్న బాబీ పుట్టినరోజు కాగా మెగాస్టార్ చిరంజీవి బాబీకి పుట్టినరోజు కానుకగా ప్రత్యేకమైన కలాన్ని ఇచ్చారు. బాబీ సోషల్ మీడియా వేదికగా ఈ విషయాన్ని చెప్పుకొచ్చారు.
బర్త్ డే సందర్భంగా బాబీ చిరంజీవి బ్లెస్సింగ్స్ తీసుకోవడంతో పాటు ఎమోషనల్ అయ్యారు. చిరంజీవి తనకు ఇచ్చిన బహుమతి ఎప్పటికీ గుర్తుండిపోతుందని బాబీ తెలిపారు. బాబీ అభిమాన హీరో చిరంజీవి కాగా తన ఫేవరెట్ హీరోతో బ్లాక్ బస్టర్ హిట్ మూవీని తెరకెక్కించాలని బాబీ భావిస్తున్నారు. రౌడీ అల్లుడు, గ్యాంగ్ లీడర్ తరహాలో ఈ సినిమా ఉంటుందని బాబీ చెబుతుండటం గమనార్హం. మైత్రీ మూవీ మేకర్స్ బ్యానర్ పై ఈ సినిమా తెరకెక్కనుంది.
అయితే చిరంజీవి సన్నిహితులు మాత్రం లూసిఫర్ రీమేక్ తర్వాత చిరంజీవి వేదాలం రీమేక్ లో నటిస్తారని భావిస్తున్నారు. చిరంజీవి భవిష్యత్ ప్రాజెక్ట్ లకు సంబంధించి స్పష్టత రావాల్సి ఉంది. మరోవైపు చిరంజీవి నటిస్తున్న ఆచార్య మూవీ ఎప్పుడు విడుదలవుతుందో తెలియాల్సి ఉంది. లూసిఫర్ సినిమాను చిరంజీవి కేవలం నాలుగు నెలల్లో పూర్తి చేయాలని భావిస్తుండగా చిరంజీవి బాబీ కాంబో మూవీ ఈ ఏడాది మొదలవుతుందో లేదో చూడాల్సి ఉంది. ఆచార్య షూటింగ్ అంతకంతకూ ఆలస్యం కావడంతో తరువాత సినిమాల షూటింగ్ వేగంగా పూర్తయ్యేలా చిరంజీవి జాగ్రత్తలు తీసుకుంటున్నారు.
View this post on Instagram
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
