ఉయ్యాలవాడ సినిమా కోసం చిరంజీవి అనేక విషయాలపై దృష్టి పెట్టాలి

ప్రథమ స్వాతంత్య్ర సంగ్రామం కంటే చాలా ముందుగానే అంటే 1857 లో బ్రిటీష్ పాలకులపై తిరుగుబాటు చేసిన సమరయోధుడు ఉయ్యాలవాడ నరసింహ రెడ్డి గా నటించడానికి చిరంజీవి సిద్ధమవుతున్నారు. కొణిదెల ప్రొడక్షన్ బ్యానర్లో రామ్ చరణ్ నిర్మిస్తున్న ఈ సినిమాకు అతని పేరుతోనే టైటిల్ ని రిజిస్టర్ చేయించారు. సురేందర్ రెడ్డి దర్శకత్వం వహించనున్న మూవీకి  పరుచూరి బ్రదర్స్ స్క్రిప్ట్ కంప్లీట్ చేశారు. దానిని చదివిన చిరు మార్పులు చెప్పకుండా లాక్ చేసి గుర్రపు స్వారీ, కత్తి ఫైట్ శిక్షణలో దిగారు. బరువు కూడా తగ్గుతున్నట్లు సమాచారం. అయితే ఈ సినిమా విషయంలో చిరు, రామ్ చరణ్ మరిన్ని జాగ్రత్తలు తీసుకోవాలని సినీ విశ్లేషకులు సూచిస్తున్నారు.

ఈ సినిమాని  భారీ బడ్జెట్ తో తీయకూడదు.. కారణం ఏమిటంటే ఈ చిత్రం తెలుగు వ్యక్తి గురించి కాబట్టి ఇతర భాషల వారు చూసే అవకాశం తక్కువగా ఉంటుంది. అక్కడ కలక్షన్స్ రావు. సో తెలుగు రాష్ట్రాల కలక్షన్స్ ని మాత్రమే దృష్టిలో పెట్టుకొని నిర్మించాలి. ఇక 170 ఏళ్ళ క్రితం కథ కాబట్టి అప్పటి సామజిక పరిస్థితులు, వస్త్ర ధారణ, వేష, భాషలు, యాస అన్నింటిపై బాగా అధ్యయనం చేయాల్సి ఉంటుందని తెలిపారు. వాటిని పట్టించుకోకుండా తెరకెక్కిస్తే.. రిలీజ్ అయినా తర్వాత అనేక విమర్శలను ఎదుర్కోవాల్సి ఉంటుందని హెచ్చరిస్తున్నారు.

Also, do SUBSCRIBE to our YouTube channel to get latest Tollywood updates.