మెగాస్టార్ చిరంజీవి చాలా గ్యాప్ తరువాత మళ్ళీ ‘ఖైదీ నెంబర్ 150’ తో రీ ఎంట్రీ ఇచ్చి అభిమానుల్లో ఆనందం చిగురించేలా చేయడమే కాదు వయసుతో సంబంధం లేకుండా డ్యాన్సులు, ఫైట్లు చేస్తూ బాస్ ఇస్ బ్యాక్ అనిపించుకున్నాడు. ఇక ఈ సినిమా తరువాత స్పీడ్ పెంచిన మెగాస్టార్ ప్రస్తుతం సురేందర్ రెడ్డి డైరెక్షన్ లో ‘సైరా’ సినిమాలో నటిస్తున్న విషయం తెలిసిందే. హీరో రామ్ చరణ్ నిర్మిస్తున్న ఈ సినిమా భారీ బడ్జెట్ తో తెరకెక్కుతుంది. ఇక ఇటీవలే సైరా సెట్ లో మెగాస్టార్ చిరంజీవి డైరెక్టర్ అవతారం ఎత్తాడట.
డైరెక్టర్ సురేందర్ రెడ్డి ‘సైరా’ సినిమా షూటింగ్ కి గంట ఆలస్యంగా వచ్చాడట. అయితే షూటింగ్ ఆలస్యం అవుతుందని భావించిన మెగాస్టార్ ఆ సీన్స్ ఏంటో తెలుసుకొని ఆ గంట సేపు డైరెక్షన్ చేసాడంట. ఇక సెట్ లో డైరెక్షన్ కుర్చీలో కూర్చొని ఉన్న మెగాస్టార్ ని చూసిన సురేందర్ రెడ్డి, చిరంజీవి ఆ షాట్ పూర్తిచేసేవరకు అలా చూస్తూ ఉండిపోయాడంట. ఇలా మెగాస్టార్ చిరంజీవికి డైరెక్షన్ కుర్చీలో కూర్చోడం కొత్త కాదు తన గత సినిమాలకి కూడా ఇలా చేసిన సందర్బాలు ఉన్నాయని చెబుతున్నారు. ఏది ఏమైనా మెగాస్టర్ గంట సేపు కాకుండా ఒక పూర్తి సినిమా ఫ్యూచర్ లో చేస్తాడో లేదో చూడాలి మరి.
Home