Venky Kudumula: రష్మికను అందుకే రిపీట్ చేస్తున్నా.. వెంకీ కుడుముల కామెంట్స్ వైరల్!

March 25, 2023 / 01:30 PM ISTByFilmy Focus

Join Us

Venky Kudumula: రష్మికను అందుకే రిపీట్ చేస్తున్నా.. వెంకీ కుడుముల కామెంట్స్ వైరల్!

చిరంజీవి వెంకీ కుడుముల కాంబినేషన్ లో ఒక సినిమా తెరకెక్కనుందని కొన్ని నెలల క్రితం ఇండస్ట్రీ వర్గాల్లో జోరుగా ప్రచారం జరిగింది. అయితే తర్వాత రోజుల్లో ఆ సినిమా గురించి ఎక్కువగా వినిపించలేదు. ఈ సినిమా ఆగిపోయిందని కూడా కొంతమంది ప్రచారం చేయగా ఆ ప్రచారం సోషల్ మీడియాలో తెగ వైరల్ అయింది. అయితే తాజాగా వెంకీ కుడుముల ఆ వార్తలకు సంబంధించి స్పష్టత ఇచ్చే ప్రయత్నం చేశారు. భీష్మ జోడీని రిపీట్ చేస్తున్న వెంకీ కుడుముల తర్వాత ప్రాజెక్ట్ తో కూడా సక్సెస్ ను సొంతం చేసుకుంటారేమో చూడాల్సి ఉంది.

నేను సినిమా తీయాలని అనుకున్న వెంటనే భీష్మ జోడీ గుర్తుకొచ్చిందని నితిన్ రష్మికల మధ్య కెమిస్ట్రీ బాగుంటుందని వెంకీ కుడుముల తెలిపారు. ఆ జోడీని మరోసారి రిపీట్ చేయాలని భావించి రిపీట్ చేస్తున్నానని ఆయన కామెంట్లు చేయగా ఆ కామెంట్లు వైరల్ అవుతున్నాయి. ఛలో మూవీ షూట్ సమయంలోనే నేను, రష్మిక మంచి ఫ్రెండ్స్ అయ్యామని వెంకీ కుడుముల చెప్పుకొచ్చారు. భీష్మ సమయంలో నితిన్ కూడా బాగా కలిసిపోయాడని ఆయన తెలిపారు.

నా గత సినిమాలతో పోల్చి చూస్తే ఈ సినిమా పెద్ద బ్లాక్ బస్టర్ అవుతుందని భావిస్తున్నానని వెంకీ కుడుముల(Venky Kudumula) చెప్పుకొచ్చారు. జీవీ ప్రకాష్ ఈ సినిమాకు మ్యూజిక్ డైరెక్టర్ అని ఈ మూవీ కమర్షియల్ మూవీ అని ఆయన తెలిపారు. చిరంజీవి కొరకు స్క్రిప్ట్ ను సిద్ధం చేశానని మూవీ సెకండాఫ్ లో కొన్ని మార్పులు చేయాల్సి ఉందని వెంకీ కుడుముల చెప్పుకొచ్చారు. స్క్రిప్ట్ రీవర్క్ కోసం సమయం కావాలని చిరంజీవిని కోరానని ఆయన తెలిపారు.

చిరంజీవి గారు కూడా ఓకే చెప్పారని వెంకీ కుడుముల వెల్లడించారు. నితిన్ రష్మిక ప్రాజెక్ట్ పూర్తైన తర్వాత చిరంజీవి సినిమాపై దృష్టి పెడతానని వెంకీ కుడుముల అన్నారు.