పవర్ ఫుల్ పోలీస్ ఆఫీసర్ గా ధృవ లో దుమ్మురేపిన మెగా పవర్ స్టార్ రామ్ చరణ్ తేజ్ ఈసారి పల్లెటూరి కుర్రోడిగా అదరగొట్టనున్నారు. సుకుమార్ కాంబినేషన్లో చెర్రీ చేస్తున్న ఈ సినిమా పూర్తిగా గ్రామీణ నేపథ్యంలో సాగుతుంది. 1980 నాటి కాలంలో గడ్డం పెంచి, లుంగీ కట్టి, కట్ బనియన్ తో ఉన్న అబ్బాయి .. లంగా ఓణీతో ఉన్న అమ్మాయి ప్రేమించుకుంటారు. ఆ స్వచ్ఛమైన ప్రేమ కథలో యువకుడిగా చెర్రీ, యువతిగా సమంత ఆకట్టుకోనున్నారు. మైత్రి మూవీ మేకర్స్ వారు నిర్మిస్తున్న ఈ మూవీ మొదటి షెడ్యూల్ ల్లో చెర్రీ, సమంతలపై పాటని చిత్రీకరించారు. ఈ షెడ్యూల్లో అనసూయ కూడా జాయిన్ అయింది. రేపల్లె అనే టైటిల్ పరిశీలిస్తున్న ఈ మూవీ గురించి ఆసక్తికరమైన విషయం బయటికి వచ్చింది. ఇందులో రామ్ చరణ్ లుంగీ మీదా డ్యాన్స్ వేస్తారని, అది సినిమాలో హైలెట్ అవుతుందని సమాచారం.
మెగాస్టార్ చిరంజీవి అలనాడు ముఠామేస్ర్తీ లో లుంగీమీద డ్యాన్స్ వేసి హిట్ కొట్టారు. గళ్ళ లుంగీని ట్రెండీగా కట్టాను అంటూ ఖైదీ నంబర్ 150 లో లుంగీతో డ్యాన్స్ వేసి సూపర్ హిట్ సొంతం చేశారు. బాలీవుడ్ లో షారూక్ ఖాన్ కూడా లుంగీ డ్యాన్స్ అంటూ విజయాన్ని అందుకున్నారు. వారి బాటలోనే ఇప్పుడు చెర్రీ లుంగీ కట్టి మాస్ స్టెప్పులు వేయనున్నారు. సో.. ఇక్కడ కూడా అదే రిపీట్ అవుతుంది.. నో డౌట్ అంటున్నారు మెగా అభిమానులు.
Also, do SUBSCRIBE to our YouTube channel to get latest Tollywood updates.
