మామ సాయంతో అయినా కళ్యాణ్ దేవ్ హిట్టు కొడతాడా?

మెగాస్టార్ చిరంజీవి కథల జడ్జిమెంట్ గురించి ప్రత్యేకంగా చెప్పనక్కర్లేదు. ఎటువంటి కథని తీసుకున్న ఆఖరికి ప్లాప్ డైరెక్టర్ నే సెలెక్ట్ చేసుకున్నా… ఆయనకి నచ్చినట్టు.. ముఖ్యంగా ఫ్యాన్స్ టేస్ట్ కు తగినట్టు రూపొందించుకోవడం ఆయన స్పెషాలిటీ. రాంచరణ్ కు అలవాటు అయ్యేవరకూ మెగాస్టార్ తోడుగా ఉంది నడిపించారు. ఇప్పుడైతే చరణే సొంతంగా అన్ని చూసుకునే స్థాయికి ఎదిగాడు. ఇప్పుడు మెగాస్టార్ మరోసారి తన చిన్నల్లుడు కళ్యాణ్ దేవ్ ను హీరోగా నిలబెట్టేందుకు తెగ కష్టపడుతున్నారట.

కళ్యాణ్ దేవ్ మొదటి చిత్రం ‘విజేత’ ప్లాప్ అయిన సంగతి తెలిసిందే. సినిమా బాగానే ఉన్నప్పటికీ.. పోటీ సినిమాల వల్ల అలాగే కొత్త హీరో అవ్వడం వల్ల ప్రేక్షకులు పెద్దగా పట్టించుకులేదు. ఇప్పుడు తన రెండో చిత్రాన్ని పులివాసు డైరెక్షన్లో చేస్తున్నాడు. ‘సూపర్ మచ్చి’ పేరుతో తెరకెక్కుతోన్న ఈ చిత్రాన్ని రిజ్వాన్ నిర్మిస్తున్నాడు. ఈ చిత్రం షూటింగ్ ఇప్పటికే చాలా వరకూ పూర్తయినప్పటికీ.. ఇటీవల రషెస్ చూసిన చిరు.. సంతృప్తి చెందలేదట. మళ్ళీ వాటిని రీషూట్ చెయ్యాలని.. చిరు కోరినట్టు తెలుస్తుంది. చిరు చెప్పిన మార్పులు పూర్తిచేశాక సక్సెస్ ఫుల్ ప్రొడ్యూసర్ దిల్ రాజుకి కూడా చూపించాలని చిరు తెలిపినట్టు తెలుస్తుంది. ఏమైనా చిన్నల్లుడి కోసం ఓ పక్క తన సినిమా షూటింగ్లో పాల్గొంటూనే మరోపక్క ఇలా ‘సూపర్ మచ్చి’ పనులని కూడా చేసుకుంటున్నట్టు తెలుస్తుంది.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!