మెగా స్టార్ చిరంజీవి నటించిన అనేక సినిమాలు బాక్స్ ఆఫీస్ రికార్డులను బద్దలు కొట్టాయి. టాలీవుడ్ కలెక్షన్లకు కొత్త టార్గెట్ లను ఫిక్స్ చేశాయి. తొమ్మిదేళ్ల తర్వాత చిరు ఖైదీ నెంబర్ 150 చిత్రం ద్వారా రీ ఎంట్రీ ఇస్తున్నారు. ఈ మూవీ రిలీజ్ కి ముందే రికార్డులను బ్రేక్ చేస్తోంది. తాజాగా దర్శక ధీరుడు ఎస్.ఎస్. రాజమౌళి అపూర్వ సృష్టి బాహుబలి చిత్రం పేరిట ఉన్న ఓ రికార్డును బద్దలు కొట్టింది. బాహుబలి బిగినింగ్ ఆంద్రప్రదేశ్ థియేటర్ హక్కులు 30 కోట్లు పలికి అందరినీ ఆశ్చర్య పరిచింది.
ఇప్పుడు ఖైదీ నెంబర్ 150 ఆంధ్ర థియేటర్ హక్కులు 32 కోట్లకు అమ్ముడు పోయి చిరంజీవి సత్తాను చాటింది. మాస్ డైరక్టర్ వి.వి.వినాయక్ దర్శకత్వంలో తెరకెక్కుతున్న ఈ చిత్రంలో టాలీవుడ్ యువరాణి కాజల్ అగర్వాల్ హీరోయిన్ గా నటిస్తోంది. మెగా పవర్ స్టార్ రామ్ చరణ్ తేజ్ భారీ బడ్జెట్ తో నిర్మిస్తున్న ఈ మూవీ వేగంగా చిత్రీకరణ జరుపుకుంటోంది. రైతుల కోసం పోరాడే ఈ ఖైదీ సంక్రాంతికి బరిలోకి దిగనున్నాడు.
