తమిళ చిత్ర పరిశ్రమలోని అత్యుత్తమ నటులలో ఒకరైన విక్రమ్ తెలుగు ప్రేక్షకులకు కూడా బాగా పరిచయమే. అయితే ఈ నటుడు ఇటీవల కోవిడ్ 19 భారిన పడినట్లు తెలుస్తోంది. ఈ 55 ఏళ్ల నటుడు తన కొడుకుతో కలిసి ప్రస్తుతం ఒక సినిమా చేస్తున్నాడు. అయితే ఇటీవల రెగ్యులర్ షూటింగ్ లో బిజీగా ఉన్న విక్రమ్ హఠాత్తుగా కొంత అస్వస్థతకు గురైనట్లు అనిపించింది. ఇక వెంటనే తన పర్సనల్ డాక్టర్ ను పిలిపించుకుని వైద్య పరీక్షలు నిర్వహించారు.
నీరసంగా వుండడంతో పాటు జ్వరం కూడా ఉందని తెలియడంతో వైద్యులు కరోనా పరీక్షలు నిర్వహించారు. ఇక వెంటనే విక్రమ్ క్వారంటైన్ లోకి వెళ్లినట్లు తెలుస్తోంది. ఇక గత వారం రోజుల నుంచి తనతో సన్నిహితంగా ఉన్నవారు కూడా జాగ్రత్తగా ఉండాలని విక్రమ్ వెంటనే హెచ్చరించారట. ఇక విక్రమ్ తన కొడుకు ధృవ్ తో ప్రస్తుతం మహన్ అనే సినిమా చేస్తున్నాడు. కార్తీక్ సుబ్బరాజ్ దర్శకత్వం వహించిన ఈ చిత్రంలో విక్రమ్ మరియు అతని కుమారుడు ధృవ్ మొదటిసారిగా స్క్రీన్ షేర్ చేసుకుంటున్నారు.
సెవెన్ స్క్రీన్ స్టూడియో బ్యానర్‌పై లలిత్ కుమార్ నిర్మాతగా చేస్తున్న ఈ చిత్రంలో నటి సిమ్రాన్, వాణి భోజన్ మరియు బాబీ సింహా కూడా కీలక పాత్రల్లో నటిస్తున్నారు.చెన్నై, గోవా, డార్జిలింగ్‌లోని పలు లొకేషన్లలో ఈ సినిమా షూటింగ్ జరిగింది. ఈ చిత్రానికి సంతోష్ నారాయణన్ స్వరాలు సమకుర్చారు. ఇక ప్రస్తుతం విక్రమ్, అజయ్ జ్ఞానముత్తు దర్శకత్వంలో తెరకెక్కుతున్న కోబ్రా సినిమాను కూడా ఫినిష్ చేస్తున్నాడు. కమల్ హాసన్ నిర్మిస్తున్న ఈ చిత్రంలో విక్రమ్‌తో పాటు శ్రీనిధి శెట్టి,
ఇర్ఫాన్ పఠాన్, మియా జార్జ్, కెఎస్ రవికుమార్ తదితరులు నటిస్తున్నారు. ఇప్పుడు ఈ మాస్ హీరో తన తదుపరి ప్రాజెక్ట్ కోసం దర్శకుడు పా.రంజిత్‌తో చేతులు కలపబోతున్నాడు. రాబోయే చిత్రానికి తాత్కాలికంగా #Chiyaan61 అనే పేరు పెట్టారు. ఇక ఈ కొత్త సినిమాను జ్ఞానవేల్ రాజా నిర్మిస్తుండగా ఒక తెలుగు హీరో ప్రత్యేకమైన పాత్రలో కనిపించే అవకాశం ఉన్నట్లు తెలుస్తోంది.
Most Recommended Video
మహేష్ టు నవీన్… ఓవర్సీస్ లో 1 మిలియన్ కొట్టిన హీరోల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
అఘోరా గెటప్‌ టాలీవుడ్ హీరోలకు కలిసొచ్చిందా!
Home