పవన్ ని చరణ్ అలా ఎందుకు పిలిచారు?

పవర్ స్టార్ పవన్ కళ్యాణ్, మెగా పవర్ స్టార్ రామ్ చరణ్ మధ్య చిన్నప్పటి నుంచి మంచి అనుబంధం ఉంది. బాబాయ్ సలహాలను అబ్బాయ్ తప్పకుండా పాటిస్తుంటారు. తన తండ్రి చిరంజీవి, పవన్ కి మధ్య మాటలు లేని రోజుల్లో సైతం చెర్రీ బాబాయ్ తో చాలా క్లోజ్ గా ఉండేవారు. కానీ కొంతకాలంగా ఇద్దరి మధ్య దూరం పెరిగిందని ఫిల్మ్ నగర్ వాసులు చెబుతున్నారు. అందుకే పెద్ద బాబాయ్ నాగేంద్రబాబు బ్యానర్, చిన్న బాబాయ్ పవన్ కళ్యాణ్ బ్యానర్లు ఉన్నప్పటికీ సొంతంగా నిర్మాణ సంస్థను నెలకొల్పారని, ఆ బ్యానర్లోనే మెగాస్టార్ 150 వ సినిమాను తెరకెక్కిస్తున్నట్లు వివరించారు. నాగబాబు ఆరెంజ్ సినిమా దెబ్బకు తన బ్యానర్లో సినిమాలు తీయకూడదని నిర్ణయించుకున్నారు.

ఆ బ్యానర్ ని పక్కన పెట్టినా పవన్ కళ్యాణ్ క్రియేటివ్ వర్క్స్ బ్యానర్లో చిరు చిత్రం తీయవచ్చుగా? అనే ప్రశ్నను వారు మెగా ఫ్యాన్స్ ముందు ఉంచుతున్నారు.  అంతేకాదు చరణ్ రీసెంట్ గా ఓ ఇంటర్వ్యూలో పవన్ కళ్యాణ్ ని బాబాయ్ అని పిలవకుండా పవన్ కళ్యాణ్ గారు అని సంభోదించటం అనుమానాలకు బలం ఇస్తోంది. “మీరు పవన్ కళ్యాణ్ బ్యానర్లో సినిమా చేస్తారా ?” అని యాంకర్ చెర్రీ ని ప్రశ్నించగా.. అందుకు అతను “పవన్ కళ్యాణ్ గారు ప్రస్తుతం బిజీగా ఉన్నారు. ఆయన పనులు పూర్తి అయితే అప్పుడు ఆలోచిస్తాను” అని చెప్పారు. బాబాయ్ అని కాకుండా పవన్ కళ్యాణ్ అని పిలవడంలోనే వారిద్దరి మధ్య దూరం ఎరిగిందనే విషయం స్పష్టమవుతోంది.

Also, do SUBSCRIBE to our YouTube channel to get latest Tollywood updates.