Cobra Trailer: ‘అపరిచితుడు’ ని మించిన షేడ్స్ ఉన్నాయిగా..!

కమర్షియల్ హీరో అయినప్పటికీ వైవిధ్యమైన కథలు, పాత్రలతోనే ప్రేక్షకులను అలరిస్తూ ఉంటాడు విక్రమ్. అతను హీరోగా నటించిన లేటెస్ట్ మూవీ ‘కోబ్రా’. ఆగస్టు 31న ఈ చిత్రం విడుదల కాబోతోంది. సెవెన్ స్క్రీన్ స్టూడియోస్ బ్యానర్‌పై ఎస్ఎస్ లలిత్ కుమార్ ఈ చిత్రాన్ని భారీ బడ్జెట్ తో నిర్మించారు, తెలుగులో ఎన్వీ ప్రసాద్ ఎన్వీఆర్ సినిమా ద్వారా విడుదల చేస్తున్నారు. ఫస్ట్ లుక్ తోనే అందరి దృష్టిని ఆకర్షించిన ఈ చిత్రం..

తాజాగా విడుదలైన ట్రైలర్ తో మంచి బజ్ ఏర్పడేలా చేసింది అనే చెప్పాలి. ‘డిమోటీ కాలనీ’ ‘అంజలి సీబీఐ’ వంటి సూపర్ హిట్ చిత్రాలను తెరకెక్కించిన అజయ్ జ్ఞానముత్తు ఈ చిత్రానికి దర్శకుడు కావడంతో మొదటి నుండి ఈ చిత్రం పై ప్రేక్షకుల్లో ఆసక్తి నెలకొంది. నాగుపాము తన చర్మాన్ని వదులుతూ, దాచిపెట్టి, శత్రువులపై దాడి చేయగలిగినట్లే, ఈ సినిమాలో హీరో కూడా కొత్త కొత్త అవతారాల్లోకి మారి నేరస్థులను హతమారుస్తుంటాడు.

విక్రమ్ ‘అపరిచితుడు’ సినిమాలో కంటే కూడా ఎక్కువ షేడ్స్ కలిగిన పాత్రని పోషిస్తున్నాడు. ఈ చిత్రం ద్వారా భారత మాజీ క్రికెటర్ ఇర్ఫాన్ పఠాన్ సినిమాల్లోకి ఎంట్రీ ఇస్తున్నాడు. ఈ చిత్రంలో అతను పోలీసు ఆఫీసర్ గా కనిపించబోతున్నాడు అని ట్రైలర్ స్పష్టం చేసింది. శ్రీనిధి శెట్టితో విక్రమ్ కు ఉన్న రొమాంటిక్ సన్నివేశాలు ఆకట్టుకునే విధంగా కనిపిస్తున్నాయి. రోషన్ మాథ్యూ నెగటివ్ షేడ్స్ కలిగిన పాత్రలో కనిపించాడు.

మియా జార్జ్, కేఎస్ రవికుమార్, మృణాళిని రవి వంటి వారు కూడా కీలక పాత్రలు పోషించారు.యాక్షన్ సీక్వెన్స్‌లు ,ఏఆర్ రెహమాన్ అందించిన నేపధ్య సంగీతం ట్రైలర్ కు హైలెట్ గా నిలిచింది. తమిళ్ తో పాటు తెలుగు, హిందీ భాషల్లో ఈ మూవీ ఏకకాలంలో విడుదల కానుంది. ట్రైలర్ అయితే బాగానే ఉంది.

లైగర్ సినిమా రివ్యూ & రేటింగ్!

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!