‘వెంకీమామ’ మాస్ సాంగ్ అదుర్స్..!

ఎప్పుడెప్పుడా అని ఎదురుచూస్తున్న ‘వెంకీమామ’ చిత్రాన్ని ఎట్టకేలకు డిసెంబర్ 13న విడుదల చేయబోతున్నట్టు చిత్ర యూనిట్ సభ్యులు అధికారికంగా ప్రకటించేసారు. అదే రోజున విక్టరీ వెంకటేష్ పుట్టిన రోజు కావడంతో.. ‘వెంకీమామ’ స్పెషల్ అట్రాక్షన్ కానుంది. ఇక విడుదలకి మరో 9 రోజులు మాత్రమే సమయం ఉండడంతో ప్రమోషన్ల డోస్ మరింత పెంచారు. కె.ఎస్.రవీంద్ర(బాబీ) డైరెక్ట్ చేస్తున్న ఈ చిత్రాన్ని ‘సురేష్ ప్రొడక్షన్స్’ ‘పీపుల్ మీడియా ఫ్యాక్టరీ’ ‘కోన ఫిలిం కార్పొరేషన్’ సంస్థలు కలిసి నిర్మిస్తున్నాయి.

ఇక తమన్ సంగీతం అందిస్తున్న ఈ చిత్రం పాటలకు మంచి స్పందన లభిస్తుంది. తాజాగా ‘కోకా కోలా పెప్సీ’ అంటూ ఓ మాస్ బీట్ సాంగ్ ను కొద్దిసేపటి క్రితమే విడుదల చేశారు. ‘సినిమాలో ఉన్న ఏకైక మాస్ సాంగ్ ఇదని.. కచ్చితంగా అలరిస్తుందని’ తమన్ చెప్పిన సంగతి తెలిసిందే. ఆయన చెప్పినట్టే ఈ సాంగ్ అదిరిపోయిందనే చెప్పాలి. అదితి , రమ్య, సింహా, హనుమాన్.. వంటి సింగర్స్ ఈ పాటని ఎంతో జోష్ తో పాడారు. కాసర్ల శ్యామ్ ఈ పాటకు లిరిక్స్ అందించారు. థియేటర్లో ఈ పాటకి సీట్లలో ఎవ్వరూ కూర్చోరెమో అనేంతలా ఉంది. ‘బొబ్బిలి రాజా’ సినిమాలో ‘బలపం పట్టి’ సాంగ్ అలాగే నాగచైతన్య ‘100 పర్చెంట్ లవ్’ టైటిల్ వంటి వాటిని కూడా ఈ పాటలో వాడారు. ఏమైనా ‘వెంకీమామ’ మాస్ నెంబర్ అదిరిపోయింది.. మీరు కూడా ఓసారి వినెయ్యండి.a

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!