అక్కినేని హీరోల సినిమాలు రిలీజ్ అవుతున్న ప్రతిసారి సమంత (Samantha) ఫ్యాన్స్ సోషల్ మీడియాలో హడావిడి చేస్తుండటం మనం చూస్తూనే ఉన్నాం. ఇప్పుడు కూడా అలాంటి హడావిడే కనిపిస్తుంది. విషయం ఏంటంటే.. సమంత నటించిన ‘మా ఇంటి బంగారం’ సినిమా గత నెల జూన్ 19న రిలీజ్ అయ్యింది. ఆ సినిమాకి పర్వాలేదు అనిపించే టాక్ మాత్రమే వచ్చింది. అయినప్పటికీ బాక్సాఫీస్ వద్ద ఊచకోత కోసింది. ఆల్మోస్ట్ రూ.70, రూ.80 కోట్ల వరకు వసూళ్లు వచ్చాయి.
మేకర్స్ అయితే దానికి అదనంగా జోడించి రూ.100 కోట్ల పోస్టర్ వేసుకునేందుకు రెడీ అయ్యింది. ఇప్పటికీ డీసెంట్ కలెక్షన్స్ ను రాబడుతుంది ‘మా ఇంటి బంగారం’. ఇప్పుడు ఈ సక్సెస్ భారం అక్కినేని హీరో అఖిల్ (Akhil) పై పడబోతోంది. విషయం ఏంటంటే.. అఖిల్ నటించిన ‘లెనిన్’ ఈ జూలై 10కే రిలీజ్ అవుతుంది. వాస్తవానికి జూన్ 25నే రిలీజ్ కాబోతున్నట్టు ప్రకటించారు. కానీ సాంకేతిక కారణాల వల్ల వాయిదా పడింది.
అయితే ఎప్పుడైతే ‘లెనిన్’ రిలీజ్ వాయిదా పడిందో.. ఆ టైంలో కొంతమంది సమంత అభిమానులు ‘సమంత దెబ్బకి అక్కినేని హీరోలు వెనకడుగు వేశారు’ అన్నట్టు నెగిటివ్ కామెంట్స్ చేశారు. వాటికి కౌంటర్ ఇవ్వాలంటే ‘లెనిన్’ సినిమా బాక్సాఫీస్ వద్ద ‘మా ఇంటి బంగారం’కి మించి కలెక్ట్ చేయాలి. హీరో అఖిల్ అయితే ఈ సినిమాపై చాలా ఆశలు పెట్టుకున్నాడు. ప్రమోషనల్ కంటెంట్ ఆడియన్స్ ని ఆకట్టుకుంది. జూలై నెలలో పెద్ద బ్లాక్ బస్టర్స్ పడిన సందర్భాలు ఎన్నో ఉన్నాయి. ‘లెనిన్’ కి కూడా కలిసొస్తే.. రూ.100 కోట్లు అనేది కేక్ వాకే..!
