జబర్దస్త్, ఎక్స్ట్రా జబర్దస్త్ షోలకు ఊహించని స్థాయిలో పాపులారిటీ రావడానికి హైపర్ ఆది ఒక విధంగా కారణమనే సంగతి తెలిసిందే. హైపర్ ఆది పంచ్ లలో గతంతో పోలిస్తే పస తగ్గినా హైపర్ ఆది స్కిట్లు ప్రేక్షకులను ఆకట్టుకుంటున్నాయి. హైపర్ ఆది టీమ్ ద్వారా పాపులారిటీని సంపాదించుకున్న కంటెస్టెంట్లలో రైజింగ్ రాజు కూడా ఒకరని చెప్పవచ్చు. అయితే కొన్ని నెలల పాటు హైపర్ ఆది టీమ్ లో రైజింగ్ రాజు కనిపించలేదు. ఒకవైపు జబర్దస్త్ షో చేస్తూనే హైపర్ ఆది ఈవెంట్లలో పాల్గొనడంతో పాటు సినిమాలలో కూడా నటిస్తున్నారు.
తాజాగా రైజింగ్ రాజు హైపర్ ఆది నిజస్వరూపాన్ని బయటపెట్టారు. రైజింగ్ రాజు వయస్సుపై చాలా సందర్భాల్లో పంచ్ లు వేసి హైపర్ ఆది కడుపుబ్బా నవ్వించారు. హైపర్ ఆది టీమ్ లో డైలాగ్స్, స్క్రిప్ట్ రాసేది స్కిట్ సక్సెస్ కావడానికి ఎంతో కష్టపడేది ఎక్కువగా ఆది మాత్రమే అనే విషయం తెలిసిందే. హైపర్ ఆదికి ఒక్కో స్కిట్ కు భారీగా పారితోషికం లభిస్తుంది. ప్రస్తుతం ఆది రైజింగ్ రాజు కలిసి స్కిట్లు చేస్తున్నారు.
తాజాగా రైజింగ్ రాజు మాట్లాడుతూ కరోనా సమయంలో తనకు మనవరాలు పుట్టడంతో పాప విషయంలో రిస్క్ తీసుకోవడం ఇష్టం లేక పూర్తిస్థాయిలో ఇంటికే పరిమితమయ్యానని రైజింగ్ రాజు అన్నారు. అయితే తాను స్కిట్లు చేయని సమయంలో కూడా హైపర్ ఆది పేమెంట్లు పంపించారని రైజింగ్ రాజు చెప్పుకొచ్చారు. హైపర్ ఆది అలా చేయడంతో అతని కాళ్లు మొక్కుదాం అనుకున్నానని అయితే వయస్సులో ఆది చిన్న వ్యక్తి కావడంతో అలా చేయలేకపోయానని రైజింగ్ రాజు పేర్కొన్నారు. హైపర్ ఆది దేవుడని తాను స్కిట్లు చేయని సమయంలో కొందరు విమర్శలు చేసినా వాటిని స్వీకరించారని రైజింగ్ రాజు వెల్లడించారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
