‘జయం’ సినిమా టైములో తేజ నన్ను రెండు పీకారు : సుమన్ శెట్టి

December 8, 2020 / 04:59 PM IST

Join Us

‘జయం’ సినిమా టైములో తేజ నన్ను రెండు పీకారు : సుమన్ శెట్టి

డైరెక్టర్ తేజ.. ఈ పేరుకి ప్రత్యేక పరిచయమవసరం లేదు. ఈయన కూడా రాంగోపాల్ వర్మ శిష్యుడు కాబట్టి.. ఈయన బయట ఏం మాట్లాడినా అది పెద్ద ఎత్తున వైరల్ అవుతుంటుంది. ఇదిలా ఉండగా.. ఈయన కెరీర్ ప్రారంభంలో కొత్తవాళ్లను ఎక్కువగా ఇండస్ట్రీకి పరిచయం చేసేవారు. ఈయన పరిచయం చేసిన వాళ్ళు స్టార్లుగా కూడా ఎదిగారు. అయితే ఈయన షూటింగ్ సమయంలో నటీనటుల పై చెయ్యి చేసుకుంటారు అని.. అప్పట్లో చాలా వార్తలు వచ్చాయి.

ఆయనతో పనిచేసిన కొందరు నటీనటులు కూడా ఈ విషయాన్ని నేరుగానే బయటపెట్టేసారు. ఇటీవల కమెడియన్ సుమన్ శెట్టి కూడా ఈ విషయం పై స్పందించి.. డైరెక్టర్ తేజ పై ఆసక్తికరమైన కామెంట్లు చేశాడు. ఆయన మాట్లాడుతూ.. ” ‘జయం’ నా మొదటి సినిమా. నేను మంచి నటుడు అనిపించుకోవడానికి ప్రధాన కారణం డైరెక్టర్ తేజ గారే..! ‘జయం’ సినిమా టైములో తేజ గారు నా పై చెయ్యి చేసుకున్న సందర్భాలు కూడా ఉన్నాయి. ఈ చిత్రంలో క్లాస్ రూమ్ సన్నివేశాలు ఉన్నాయి.

అయితే ఓ సీన్లో నేను షకీల గారి వైపు చూసి మళ్ళీ తల దించుకుని క్రిందికి చూడాలి. ఆ సీన్ చేస్తున్నప్పుడు నా లుక్ సరిగ్గా లేదని తేజ గారు మొదట రెండు సార్లు. ఆ తరువాత నన్ను రెండు పీకారు. దాంతో నా లుక్ కరెక్ట్ గా వచ్చేసింది. తరువాత ఎన్ని టేకులు తీసినా నేను మాత్రం తప్పుచెయ్యలేదు. సరిగ్గా అప్పటి నుండే నాకు కెమెరా అంటే భయం పోయింది. లోపల కాన్ఫిడెన్స్ వచ్చింది” అంటూ చెప్పుకొచ్చాడు సుమన్ శెట్టి.