ఆనందో బ్రహ్మ లో విలక్షణ పాత్రలతో మెప్పిస్తున్న కమెడియన్స్

మహి.వి. రాఘవ దర్శకత్వంలో రూపుదిద్దుకున్న మూవీ ఆనందో బ్రహ్మ. తాప్సి ప్రధాన పాత్రలో రూపుదిద్దుకున్న ఈ సినిమా ఈ రోజు విడుదలై హిట్ టాక్ సొంతం చేసుకుంది. 70 ఎం ఎం ఎంటర్టైన్మెంట్స్ బ్యానర్లో విజయ్ చిల్లా, శశిదేవిరెడ్డికలిసి నిర్మించిన ఈ మూవీ మొదటి నుంచి చివరి వరకు నవ్వులను పంచుతోంది. భయపడే పాత్రలో తాప్సి నటించినప్పటికీ ఆమె కంటే ఎక్కువగా కమెడియన్లు మార్కులు కొట్టేశారు. రేచీకటి ఉన్న చెవిటి వాడిగా వెన్నెల కిశోర్ హాస్యాన్ని పండించగా, షకలక శంకర్ కొంతమందిని ఇమిటేట్ చేసిన విధానం అందరినీ నవ్విస్తోంది.

ఇక తాగుబోతు రమేష్ తనదైన మేనరిజంతో దెయ్యాలను సైతం భయపెట్టి మెప్పు పొందారు. గుండె సమస్యతో బాధపడుతున్న రోగిగా శ్రీనివాస్ రెడ్డి కడుపుబ్బా నవ్వించారు. ఆనందో బ్రహ్మ సినిమా చూసిన అందరూ ఇందులో ఈ నలుగురే హైలెట్ అని చెబుతున్నారు. ఈ సినిమా ప్రమోషన్లో భాగంగా తాప్సి కూడా ఇదే విషయాన్ని చెప్పింది. ఆమె చెప్పినట్లుగానే  కమెడియన్లు ఈ చిత్ర విజయంలో కీలక పాత్ర పోషించారు.

Also, do SUBSCRIBE to our YouTube channel to get latest Tollywood updates.