పూరి… కొట్టేస్తే సరిపోదు.. హిట్టు కొట్టాలి!

డాషింగ్ డైరెక్టర్ పూరి జగన్నాథ్, ఎనర్జిటిక్ స్టార్ రామ్ కాంబినేషన్లో వస్తున్న తాజా చిత్రం ‘ఇస్మార్ట్ శంకర్’. జూలై 18 న ఈ చిత్రం విడుదల కానుంది. దీంతో ఈ చిత్రం ప్రమోషన్లని వేగవంతం చేస్తున్నారు చిత్ర యూనిట్ సభ్యులు. ఇప్పటికే విడుదల చేసిన ట్రైలర్ కు మంచి స్పందన లభించింది. ఊరమాస్ డైలాగులతో రామ్ ఈ ట్రైలర్లో చెలరేగిపోయాడు. హీరోయిన్లు నిధి అగర్వాల్, నభా నటేష్ గ్లామర్ స్పెషల్ ఎట్రాక్షన్ అయ్యింది. ఇక ఈ చిత్రం కాఫీ కథంటూ తాజాగా పూరి పై కేసు ఫైలయ్యింది.

2016 లో వచ్చిన హాలీవుడ్ చిత్రం ‘క్రిమినల్’ కు ఇది కాపీ సినిమా అని కొందరు అనుమానాలు వ్యక్తం చేస్తున్నారు. iSmart ShankariSmart Shankarఇదిలా ఉంటే.. ఇప్పుడు మరో యంగ్ రైటర్ ఈ కథ నాదే అంటూ రచయితల సంఘంలో కంప్లైంట్ ఇచ్చాడు. ప్రస్తుతం దర్శకుల సంఘం పెద్దలు.. రచయితల సంఘ సభ్యులు కలిసి పూరితో ఈ కథ పై విచారణ జరిపే అవకాశం ఉందని టాక్ వినిపిస్తుంది. విచిత్రమేమిటంటే.. ఈ కథని ఆల్రెడీ రామ్ పెదనాన్న అయిన ‘స్రవంతి రవికిశోర్’ కు చెప్పాడట. అనుకోని విధంగా ఇప్పుడు రామ్ అదే కథని చేసాడని తెలుస్తుంది. మరి ఇన్ని వివాదాల మధ్యలో విడుదలవుతున్న ఈ చిత్రం ఎలాంటి ఫలితాన్నిస్తుందో చూడాలి.