ఈ మధ్య కాలంలో వివాదాల ద్వారా ఎక్కువగా వార్తల్లో నిలుస్తున్న హీరోయిన్ ఎవరైనా ఉన్నారా..? అంటే కంగనా రనౌత్ అనే చెప్పాలి. వివాదాస్పద వ్యాఖ్యలు చేయడంతో పాటు సెలబ్రిటీలపై విమర్శలు చేయడం ద్వారా కంగనా రనౌత్ ఎక్కువగా వార్తల్లో నిలుస్తున్నారు. కంగనాను అభిమానించే వాళ్లు ఏ స్థాయిలో ఉన్నారో వ్యతిరేకించే వాళ్లు కూడా అదే స్థాయిలో ఉన్నారు. అయితే సినిమాల విషయంలో మాత్రం కంగనా తన పాత్రకు న్యాయం చేయడానికి ఎంతో శ్రమిస్తారు.
ప్రస్తుతం కంగనా రనౌత్ నటి, రాజకీయ నేత జయలలిత జీవిత చరిత్ర ఆధారంగా తెరకెక్కుతున్న సినిమాలో నటిస్తున్నారు. జయలలిత పాత్రలో కంగనా అద్భుతంగా నటించారని ఇప్పటికే విడుదలైన పోస్టర్లు తెలియజేస్తున్నాయి. ఇప్పటికే ఈ సినిమా నుంచి చలి చలి అనే సాంగ్ రిలీజ్ కాగా ఆ సాంగ్ కోసం కంగనా చాలా కష్టపడ్డారని సమాచారం. 16 గంటల పాటు నీళ్లలోనే ఉండి పాట షూటింగ్ కు కంగనా సహకరించినట్టు తెలుస్తోంది.
ఈ పాట షూటింగ్ సమయంలో కంగనా చలి జ్వరంతో బాధ పడుతున్నారు. ఆరోగ్య సమస్య ఉన్నా కంగనా షూటింగ్ కు సహకరించడంపై యూనిట్ సభ్యులు ఆమె ప్రశంసిస్తున్నారు. ఈ నెల 23వ తేదీన ఈ సినిమా రిలీజ్ కావాల్సి ఉంది. ఏ ఎల్ విజయ్ ఈ సినిమాకు దర్శకత్వం వహిస్తున్నారు. మరోవైపు ఈ సినిమాకు రిలీజ్ డేట్ మారే అవకాశాలు ఉన్నాయని ప్రచారం జరుగుతోంది. మహారాష్ట్రలో వీకెండ్ లాక్ డౌన్ అమలవుతూ ఉండటంతో తలైవి మూవీ వాయిదా పడే అవకాశాలు ఉన్నాయి. తలైవి చెప్పిన డేట్ కే రిలీజ్ అవుతుందో లేదో చూడాల్సి ఉంది.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home