షూటింగ్ లకు ప్రభుత్వం పర్మిషన్లు ఇవ్వడంతో మొదట..ఇండస్ట్రీలో ఉన్న ప్రముఖులంతా సంతోషం వ్యక్తం చేశారు. కానీ లాక్ డౌన్ తరువాతే కరోనా ఎక్కువ విజృభిస్తుండడంతో స్టార్ హీరోల సినిమా షూటింగ్ లు మొదలు పెట్టే అవకాశం లేకుండా పోయింది.తక్కువ మంది క్యాస్ట్ అండ్ క్రూతో పెద్ద హీరోల సినిమాల రెగ్యులర్ షూటింగ్ లు నిర్వహించడం అసాధ్యమని దర్శకధీరుడు రాజమౌళినే తేల్చి పడేసాడు. అయితే సీరియల్ షూటింగ్ లకు.. ‘టీవీ షోల షూటింగ్ లకు ప్రభుత్వం ఇచ్చిన పర్మిషన్లు బాగానే కలిసొచ్చాయిలే’ అని అంతా అనుకున్నారు.
కానీ ఈ మధ్య కాలంలో పలువురు సీరియల్ ఆర్టిస్ట్ లు వరుసగా కరోనా భారిన పడటంతో మళ్ళీ.. అందరిలో టెన్షన్ మొదలైంది. ఇక తాజాగా.. ‘కౌన్ భనేగా కరోడ్ పతి’ షూటింగ్ లో పాల్గొన్న అమితాబ్ బచ్చన్ తో పాటు అతని కొడుకు అభిషేక్ బచ్చన్, అలాగే కోడలు ఐశ్వర్య రాయ్ వంటి వారికి కూడా కరోనా సోకడంతో.. మరింత ఆందోళనకు గురిచేసిందనే చెప్పాలి. దీంతో టీవీ షోల యాంకర్లు కూడా తెగ భయపడిపోతున్నారట. ముఖ్యంగా స్టార్ యాంకర్లు అయిన సుమ, అనసూయ లు..
కొంత కాలం పాటు షూటింగ్ లకు బ్రేక్ ఇవ్వాలని డిసైడ్ అయినట్టు సమాచారం. వారి కుటుంబ సభ్యులను.. పిల్లలను దృష్టిలో పెట్టుకునే వారు ఈ నిర్ణయం తీసుకున్నట్టు తెలుస్తుంది. అయితే ఆ షోల నిర్వాహకులు మాత్రం వారిని కన్విన్స్ చేసే విధంగా డిస్కషన్లు నడుపుతున్నట్టు కూడా టాక్ వినిపిస్తుంది.ఈ క్రమంలో సుమ, అనసూయ లు ఎలాంటి డెసిషన్ తీసుకుంటారో చూడాల్సి ఉంది.
Most Recommended Video
15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!
