పవర్ స్టార్ పవన్ కళ్యాణ్ నటించిన వకీల్ సాబ్ సినిమా రిలీజై నేటికి 40 రోజులైంది. థియేటర్లలో కరోనా భయం వల్ల సినిమా చూడని సామాన్య ప్రేక్షకులు, సెలబ్రిటీలు అమెజాన్ ప్రైమ్ లో వకీల్ సాబ్ సినిమాను చూసేశారు. ఓవర్సీస్ ఆడియన్స్ కు ఆహా యాప్ లో ఈ సినిమా అందుబాటులోకి వచ్చింది. పవన్ రీఎంట్రీ మూవీగా రిలీజైన వకీల్ సాబ్ ప్రేక్షకుల అంచనాలను అందుకున్నా కొన్ని ఏరియాల డిస్ట్రిబ్యూటర్లకు స్వల్పంగా నష్టాలను మిగిల్చింది.
కరోనా సెకండ్ వేవ్ వల్ల భారీగా కేసులు నమోదు కాకపోయి ఉంటే ఈ సినిమా ఏకంగా 120 కోట్ల రూపాయల కలెక్షన్లను సాధించేదని పవన్ ఫ్యాన్స్ భావిస్తున్నారు. అయితే తాజాగా చిత్రయూనిట్ పవన్ ఫ్యాన్స్ కు మరో శుభవార్త చెప్పింది. త్వరలో ఈ సినిమా ఒరిజినల్ బ్యాగ్రౌండ్ మ్యూజిక్ రిలీజ్ కానుంది. వకీల్ సాబ్ సినిమాకు మ్యూజిక్ అందించిన థమన్ ఈ విషయాన్ని కన్ఫామ్ చేశారు. వకీల్ సాబ్ సినిమా హిట్ కావడంలో పాటలతో పాటు బ్యాక్ గ్రౌండ్ మ్యూజిక్ పాత్ర కూడా ఎంతో ఉంది.
అయితే బ్యాగ్రౌండ్ మ్యూజిక్ ఎప్పుడు రిలీజవుతుందనే విషయానికి సంబంధించి స్పష్టత రావాల్సి ఉంది. మరోవైపు పవన్ కరోనా నుంచి పూర్తిగా కోలుకుని ఇంటికే పరిమితమయ్యారు. కరోనా కేసులు తగ్గిన తరువాత షూటింగ్ లో పాల్గొనబోతున్నారు. పవన్ కళ్యాణ్ ప్రస్తుతం అయ్యప్పనుమ్ కోషియమ్ రీమేక్ తో పాటు హరిహరవీరమల్లు సినిమాలో నటిస్తున్నారు. అయ్యప్పనుమ్ కోషియమ్ షూటింగ్ దాదాపు సగం పూర్తి కాగా ఈ ఏడాదే ఈ సినిమాను రిలీజ్ చేయాలని మేకర్స్ భావిస్తున్నారు. అయ్యప్పనుమ్ కోషియమ్ రీమేక్ ఈ ఏడాదే రిలీజవుతుందో లేదో చూడాల్సి ఉంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
