టాలీవుడ్ లో దగ్గుబాటి హీరోలు వెంకటేష్, రానా ఇద్దరూ కలిసి సినిమా చేయబోతున్నట్లు చాలా కాలంగా వార్తలొస్తున్నాయి. కానీ ఇప్పటివరకు కుదరలేదు. అయినప్పటికీ ఈ దిశగా ప్రయత్నాలు మాత్రం జరుగుతూనే ఉన్నాయని సమాచారం. ప్రస్తుతం ఈ కాంబో చర్చల దశలో ఉందని.. స్క్రిప్ట్ దొరికితే వెంటనే సినిమా ఉంటుందని మొన్నామధ్య సురేష్ బాబు ఇంటర్వ్యూలో చెప్పారు. అయితే ఇప్పుడు వెంకీ-రానాకు కథ దొరికిందని సమాచారం. అయితే అది సినిమా కోసం కాదు..
వెబ్ సిరీస్ అట. వీరిద్దరి కాంబినేషన్ లో వెబ్ సిరీస్ చేయడానికి నెట్ ఫ్లిక్స్ సంస్థ ఆసక్తి చూపిస్తుందని సమాచారం. ఇప్పటికే నెట్ ఫ్లిక్స్ తో సంప్రదింపులు జరిపిన రానా.. తన బాబాయ్ తో కలిసి నటిస్తానని చెప్పినట్లు తెలుస్తోంది. త్వరలోనే ఈ విషయంపై అధికార ప్రకటన రాబోతుంది. ఒకవేళ ఇదే కనుక నిజమైతే.. టాలీవుడ్ ఉంది వెబ్ సిరీస్ లో అడుగుపెట్టే స్టార్ హీరోలు వెంకటేష్-రానా అవుతారు.
ఇప్పటివరకు హీరోయిన్లే తప్ప టాలీవుడ్ కు సంబంధించిన ఏ హీరో కూడా వెబ్ కంటెంట్ లో నటించే సాహసం చేయలేదు. ఇప్పుడు నెట్ ఫ్లిక్స్ కోసం దగ్గుబాటి హీరోలు రంగంలోకి దిగితే మాత్రం ఈ ప్రాజెక్ట్ పై బజ్ పెరిగిపోవడం ఖాయం.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home