వెంకీ – ది బాక్సింగ్ ‘గురు..’

కొద్దిరోజుల క్రితం ‘బాబు బంగారం’ సినిమాతో తెరమీదికొచ్చారు వెంకటేశ్. ఏడాదికి పైగా ఎదురుచూపులకు సమాధానంగా వచ్చిన ఈ సినిమా అంతగా ఆకట్టుకోలేకపోయింది. వెంకీ బంగారమే అయినా దర్శకుడు పెట్టిన మెరుగుల కారణంగా బాక్సాఫీస్ వద్ద పెద్దగా అమ్ముడవలేదు. ఈ లెక్క సరిచేయడానికి ‘గురు’గా వెండితెరపైకి రానున్నారు వెంకటేశ్.

మాధవన్, రితిక ప్రధాన పాత్రల్లో తెరకెక్కిన ద్వి భాష చిత్రం ‘ఇరుది సుట్రు’ (హిందీలో సాలా ఖాడూస్) సినిమా రీమేక్ లో వెంకీ నటిస్తోన్న సంగతి తెలిసిందే. పీవీపీ బ్యానర్ లో రూపొందుతోన్న ఈ సినిమాకి ‘గురు’ అనే టైటిల్ ఖరారు చేశారట. మాతృక దర్శకురాలైన సుధా కొంగర తెరకెక్కించనున్న ఈ సినిమాలో రితిక తన పాత్రలో మరోసారి కనపడనుంది. క్రీడా నేపథ్యం గల చిత్రాలు విజయం సాధిస్తున్న తరుణంలో తెలుగులో ఇలాంటి ప్రయత్నం జరగటం అభినందనీయం. ఈ సినిమా ఫలితం ఎలా ఉంటుందో మరి..!

https://www.youtube.com/watch?v=rvcT5JoR2N0