Raviteja: ‘విక్రమార్కుడు’.. ‘ఇరుముడి’.. కూతురు సెంటిమెంట్‌ సూపర్‌ హిట్‌

రవితేజను మాస్‌ మహారాజా అని అంటారు. మాస్‌ సినిమాలను బాగా హ్యాండిల్ చేస్తారు.. వాటితో విజయాలు సాధిస్తారు అని అందరూ అనుకుంటారు. కానీ ఆయన ఎమోషనల్‌ టచ్‌ ఉన్న సినిమాల్లో రవితేజను చూస్తే ఆ కిక్కే వేరు. ఇప్పటివరకు రవితేజ చేసిన ఎమోషనల్‌ కనెక్ట్‌ ఉన్న సినిమాలేవీ ఫెయిల్‌ కాలేదు. కాకపోతే తిరిగి అదిరిపోయే రెస్పాన్స్‌లు వచ్చాయి. ఇప్పుడు ‘ఇరుముడి’ సినిమాకు వస్తున్న స్పందన చూశాక ఎమోషనల్‌ టచ్‌ ఉన్న ఓ పాత సినిమా గురించి చర్చ మొదలైంది. అదే ‘విక్రమార్కుడు’..

Raviteja

రవితేజ కెరీర్‌లో అతి పెద్ద విజయం అందుకున్న సినిమాల్లో ‘విక్రమార్కుడు’ ఒకటి. ఈ సినిమాకు వచ్చిన వసూళ్ల కంటే ఆయన అందుకున్న ప్రశంసలే ఎక్కువ. అప్పటివరకు సరదా పాత్రలు మాత్రమే చేస్తాడు, లేదంటే మాస్‌, యాక్షన్‌ సినిమాలు చేస్తాడు అనే మాటే వినిపించేది. అయితే ‘విక్రమార్కుడు’ సినిమా ఆ మాటల్ని కొట్టిపారేసింది. ఆ సినిమాలో ఓ చిన్న పాపకు తండ్రిగా, పోలీసు ఆఫీసర్‌గా పాత్రను పోషించాడు రవితేజ. అత్తిలి సత్తిబాబు పాత్ర దగ్గరకు బిడ్డ వచ్చాక.. ‘జో లాలి..’ పాట వచ్చాక సినిమా మూడే మారిపోతుంది.

ఇప్పుడు మరోసారి అలాంటి రవితేజను చూసే అవకాశం కలిగింది. అదే ‘ఇరుముడి’. మాస్‌ మహారాజ అనే ట్యాగ్‌లైన్‌తోనే ఈ సినిమా చేసిన రవితేజ.. మరోసారి మాస్‌ కమర్షియల్‌ స్టఫ్‌ ఇస్తాడేమో అనుకున్నారంతా. కానీ సినిమా ప్రచార చిత్రాలతో అదంతా అపోహే అని తేల్చారు. అయితే సినిమా వచ్చేంతవరకు అందరికీ ఒకటే డౌట్‌. రెగ్యులర్‌ రవితేజ సినిమాల్లాగే ఈ సినిమా కూడా ఉంటుందా అని. సినిమా వచ్చాక మణమ్మ అలియాస్‌ మణికంఠ అలియాస్‌ నక్షత్రతో రవితేజ పాత్ర చిత్రణ అదిరిపోయింది.

ఇద్దరి మధ్య వచ్చిన సన్నవేశాలకు సినిమా ప్రధాన ఆకర్షణగా నిలిచాయి. కొంతమంది రవితేజ ఈజ్‌ బ్యాక్‌ అంటుంటే.. మరికొంతమంది వింటేజ్ రవితేజ వైబ్స్‌ ఆర్‌ బ్యాక్‌ అంటున్నారు. దీనంతటికి కారణం ఫాదర్‌ – డాటర్‌ సెంటిమెంట్‌ అని ప్రత్యేకంగా చెప్పక్కర్లేదు.

ఈ వీకెండ్ కి ఓటీటీల్లో సందడి చేయబోతున్న 35 సినిమాలు/సిరీస్..ల లిస్ట్