ప్రేక్షకులకు నిత్యం సరికొత్త కంటెంట్ ను అందించడంలో ఎప్పుడూ ముందుంటుంది ‘తమడ మీడియా’ సంస్థ. డిజిటల్ సంస్థగానే కాకుండా, నిర్మాణ సంస్థగా కూడా మారి మంచి మంచి సినిమాలు, వెబ్ సిరీస్లను నిర్మిస్తుంది. ప్రతిభావంతులైన ఎంతో మందిని సినీ పరిశ్రమకు అందిస్తుంది ఈ సంస్థ. ‘తమడ మీడియా’ నిర్మాణంలో ఎలాంటి సినిమా, వెబ్ సిరీస్ రూపొందినా అది కచ్చితంగా ఆకట్టుకుంటుంది అనే నమ్మకం ప్రేక్షకుల్లో బలంగా ఏర్పడింది. ఇటీవల ‘తమడ మీడియా’ … ‘బీబీసీ స్టూడియోస్’ వారితో కలిసి ‘డెడ్ పిక్సల్స్’ అనే వెబ్ సిరీస్ ను రూపొందించారు.
నిహారిక కొణిదెల నాలుగేళ్ల తర్వాత నటించిన సిరీస్ ఇది. ‘మా వింత గాధ వినుమా’ ఫేమ్ ఆదిత్య మందల దర్శకత్వం వహించారు. అక్షయ్ లగుసాని, ‘వైవా’ హర్ష, ముఖ్య పాత్రలు పోషించారు. గేమింగ్ నేపథ్యంలో తెరకెక్కిన ఈ వెబ్ సిరీస్ మే 19 నుండీ డిస్నీ ప్లస్ హాట్ స్టార్ లో స్ట్రీమింగ్ అవుతుంది. 6 ఎపిసోడ్లుగా రిలీజ్ అయిన ఈ సిరీస్ కు ప్రేక్షకుల నుండి సూపర్ రెస్పాన్స్ లభించింది.
ప్రేక్షకులకు ఓ కొత్త అనుభూతిని కలిగిస్తుంది ఈ వెబ్ సిరీస్ అని కూడా చెప్పవచ్చు.డిస్నీ ప్లస్ హాట్ స్టార్లో రికార్డు వ్యూయర్ షిప్ తో ఈ వెబ్ సిరీస్ దూసుకుపోతుంది. ఆకట్టుకునే కథాకథనాలు, ఫహాద్ అబ్దుల్ మజీద్ సినిమాటోగ్రఫీ, సిద్ధార్థ సదాశివుని సంగీతం, ఆదిత్య మండల డైరెక్షన్ అన్నీ కలగలిపి ‘డెడ్ పిక్సల్స్’ ను సూపర్ హిట్ గా నిలబెట్టాయి అని చెప్పాలి.
Home