మామూలుగానే దీపిక పదుకొణె ఎక్కువ రెమ్యూనరేషన్‌ తీసుకుంటుందని టాక్‌. అలాంటిది ఏకంగా పాన్‌ ఇండియా సినిమా అంటే ఇంకెంత తీసుకుంటుంది చెప్పండి? ఈ చర్చ అంతా ప్రభాస్‌ – నాగ్‌ అశ్విన్‌ సినిమా గురించే. త్వరలో ప్రారంభం కానున్న ఈ సినిమా గురించి ఓ ఆసక్తికర విషయం బయటకు వచ్చింది. అదే దీపిక రెమ్యూనరేషన్‌. ఈ సినిమా కోసం దీపికకు గట్టిగానే ముట్టజెప్పుతున్నారని టాక్‌. వైజయంతి మూవీస్‌ 50వ ఏట అడుగుపెడుతున్న సందర్భంగా ప్రభాస్‌ – నాగ్‌అశ్విన్‌ కాంబోలో ఓ సినిమా ప్రకటించారు.
అయితే ఈ సినిమా పూర్వ నిర్మాణ పనులకు సమయం పట్టనుండటం, ప్రభాస్‌కు వేరే కమిట్‌మెంట్స్‌ ఉండటం మూలానా సినిమా ఆలస్యమవుతోంది. ఈలోగా కరోనా వచ్చి మొత్తం ప్లానింగ్స్ మార్చేసింది. అయితే ఇప్పుడు మళ్లీ పనులు వేగం అందుకున్నాయట. అందుకే దీపిక రెమ్యూనరేషన్‌ టాపిక్‌ బయటకు వచ్చింది. ఈ సినిమా కోసం దీపికకు ₹20 కోట్లు ఇస్తున్నారని టాక్‌. ప్రభాస్‌ సినిమాను వైజయంతి మూవీస్‌ ప్రతిష్ఠాత్మకంగా తీసుకుంది. అందుకే భారీ తారాగణాన్ని దింపుతోంది.
మరి అంత భారీ తారాగణం అయితే రెమ్యూనరేషన్‌ కూడా భారీగానే ఉంటుంది. ఈ సినిమా కోసం ప్రభాస్‌కే ₹50 కోట్లు ఇస్తున్నారని టాక్‌. మరి ప్రభాస్‌కే అంతిచ్చినప్పుడు గ్లోబల్‌ స్టార్‌ దీపికకు ₹20 కోట్లు ఇవ్వడంలో తప్పేమీ లేదు కదా. ఈ లెక్కన చూస్తుంటే పారితోషికాలకే సినిమా బడ్జెట్‌ ఎక్కువయ్యేలా ఉంది. ఇంకా సెట్లు, షూటింగ్‌… చూద్దాం మొత్తం ఎంత పెడతారో?
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
