దీపిక-రణవీర్ ల పెళ్ళికి ముహూర్తం సెట్!

అనుష్క శర్మ-విరాట్ కోహ్లీల ప్రేమ వివాహం అనంతరం బాలీవుడ్ జనాలు ఎంతో ఆసక్తిగా ఎదురుచూస్తున్నది దీపిక పడుకొనే, రణవీర్ సింగ్ ల వివాహ వేడుక కోసం. ఆల్రెడీ ఇద్దరూ లివ్ ఇన్ రిలేషన్ లోనే ఉన్నారు, పైగా ఇద్దరికీ ఎంగేజ్ మెంట్ కూడా అయిపోయిందని టాక్ కూడా బాలీవుడ్ వర్గాల్లో ఉంది. అయితే.. బాలీవుడ్ వర్గాల తాజా సమాచారం మేరకు దీపిక-రణవీర్ ల వివారం ఈ ఏడాది జరగనుందని తెలుస్తోంది. ఇరు కుటుంబాల పెద్దలు ఎప్పుడో ఒకే చెప్పేసి ఉండడం, ఇద్దరికీ వయసు 30 ఏళ్ళు దాటడంతో పెళ్లి చేసేసుకోని.. ఎప్పట్లానే సినిమాలు కంటిన్యూ చేద్దామనుకొంటున్నారు.

అందుకే కొత్తగా ఎలాంటి సినిమాలు అంగీకరించడం లేదట. ఇప్పటివరకూ సైన్ చేసిన సినిమాలను ఆగస్ట్ లోపు కంప్లీట్ చేసి సెప్టెంబర్ లేదా నవంబర్ లో పెళ్లి చేసుకొని ఒక రెండు నెలల హాలీడే ట్రిప్ కూడా ప్లాన్ చేశారట రణవీర్-దీపికల జంట. అనుష్క శర్మ వివాహం తరహాలోనే డెస్టీనేషన్ వెడ్డింగ్ ప్లాన్ చేస్తున్నారట. త్వరలోనే పూర్తి డీటెయిల్స్ ను మీడియాకి వెల్లడించనున్నారు. ఇకపోతే.. దీపిక-రణవీర్ లతో సంజయ్ లీలా భన్సాలీ మూడు సినిమాల కాంట్రాక్ట్ ను కుదుర్చుకుని ఉండగా.. ఆ సినిమాలన్నిట్నీ పెళ్లయ్యాక పూర్తి చేస్తారట. అలాగే.. ఎక్కువ లేట్ చేయకుండా ఫ్యామిలీ ప్లానింగ్ కూడా చేస్తున్నారట.